بسنت کے موقع پر لاہور سفاری زو کو رنگ برنگی پتنگوں سے سجا دیا گیا
اشاعت کی تاریخ: 4th, February 2026 GMT
لاہور:
پنجاب وائلڈ لائف بھی بسنت منانے کے لئے سرگرم، لاہور سفاری زو کو رنگ برنگی پتنگوں سے سجا دیا گیا۔
لاہور سفاری زو میں تین روزہ فیسٹیول میں شرکت کے لئے انٹری ٹکٹ دو ہزار روپے رکھا گیا ہے۔ تین دنوں کے لئے الگ الگ رنگ کے ٹکٹ پرنٹ کروائے گئے ہیں۔ تین روزہ بسنت فیسٹیول کے دوران 30 فٹ لمبی پتنگیں فضا میں اڑان بھریں گی۔ پتلی تماشہ، میوزک اور میجک شو سمیت کئی تفریحی سرگرمیاں ہوں گی، بسنت فیسٹول کی ذمہ داری نجی کمپنی کو سونپی گئی ہے۔
ایڈیشنل ڈائریکٹرپنجاب وائلڈ لائف سینٹرل پنجاب مدثر حسن نے بتایا بسنت فیسٹول کے تین دنوں میں تقریبات دن 12 بجے شروع ہوں گی جو رات دو بجے تک جاری رہیں گی۔ پتلی تماشہ، میوزک شو، وائلڈ آن بیٹ اور میجک شو کے روزانہ دو شو ہوں گے۔ انہوں نے بتایا کہ شہریوں کی تفریح کیلئے روایتی کھانوں کے اسٹال بھی سجائے جائیں گے۔
مدثر حسن کے مطابق بسنت فیسٹیول کے دوران شہری ڈور اورپتنگیں موقع پر بھی خرید سکیں گے جبکہ حکومت سے منظور شدہ ڈور اور پتنگیں ساتھ لانے کی بھی اجازت ہوگی۔ سفاری پارک کے کھلے گراؤنڈز اور پارکنگ ایریا پتنگ بازی کے لئے مختص ہوں گے جبکہ جنرل ایریا میں مختلف تقریبات ہوں گی۔ تین دنوں میں لائن اورٹائیگر سفاری بند رہے گی جبکہ جانوروں اور پرندوں کے انکلوژرز میں بھی انٹری بند رہے گی۔
رفیع پیرتھیٹر ورکشاپ کے سی سی او صدان پیرزادہ نے بتایا کہ انہوں نے چائنہ سے اسپیشل پتنگیں منگوائی ہیں۔ 30 فٹ لمبی پتنگیں فضا میں اڑان بھریں گی اس کے علاوہ روزانہ دو ہزار لیمپ فضا میں اڑائے جائیں گے۔ 25 سال بعد بسنت کی رونقیں بحال ہورہی ہیں، سفاری پارک میں بسنت فیسٹیول کے دوران ملک کے نامورگلوکار پرفارم کریں گے۔
سفاری پارک میں تفریح کیلئے آنے والوں کا کہنا ہے شہر کے بے ہنگم ماحول کے بجائے سفاری پارک کے کھلے ماحول میں بسنت منانا زیادہ اچھا رہے گا۔ ایک خاتون ماہم نے کہا کہ اندرون شہر پرانے طریقے سے بسنت منائی جائیگی جبکہ سفاری پارک میں جین زی نئے طریقوں سے بسنت منائیگی۔
انتظامیہ کے مطابق بسنت فیسٹیول کے دوران سیکیورٹی کے بھی سخت انتطامات کئے گئے ہیں اس بات کو بھی یقینی بنایا جائیگا کہ کوئی پتنگ یا ڈور اگرجانوروں یا پرندوں کے انکلوژرمیں گرتی ہے تواسے فوری طور پرنکالا جاسکے۔
.
ذریعہ
ذریعہ: Express News
کلیدی لفظ: بسنت فیسٹیول کے دوران سفاری پارک کے لئے
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے