امریکا سوشل میڈیا پر بڑھتے ہوئے جعلی اشتہارات کے خلاف سرگرم، اہم قانون متعارف
اشاعت کی تاریخ: 4th, February 2026 GMT
امریکا کے سینیٹرز نے ایک اہم قانون متعارف کرایا ہے جس کا مقصد سوشل میڈیا پلیٹ فارمز پر بڑھتی ہوئی جعلی اشتہارات کی لہر کو روکنا ہے۔ اس قانون کے تحت سوشل میڈیا کمپنیوں پر یہ لازم ہوگا کہ وہ اس قسم کی سرگرمیوں کے خلاف “معقول اقدامات” کریں، ورنہ فیڈرل ٹریڈ کمیشن (ایف ٹی سی) قانونی کارروائی کرسکتا ہے۔
یہ بھی پڑھیں: اوپن اے آئی کا چیٹ جی پی ٹی میں اشتہارات دکھانے کا اعلان
امریکی ریاست اوہائیو سے تعلق رکھنے والے ریپبلکن سینیٹر مورینو نے کہا، ’ہم یہ نہیں دیکھ سکتے کہ سوشل میڈیا کمپنیوں کے کاروباری ماڈلز جان بوجھ کر امریکی عوام کو نشانہ بنانے والے اسکیمز کو فروغ دیتے رہیں۔‘
اس قانون کی حمایت امریکی بینکرز ایسوسی ایشن اور صارفین کے حقوق کے اداروں نے بھی کی ہے، اس اقدام کے تحت اشتہاردینے والوں کے لیے حکومت کی جانب سے جاری شناختی کارڈ یا کاروبار کے قانونی اسٹیٹس کی تصدیق لازمی قرار دی گئی ہے۔
یہ قانون ایسے متعدد رپورٹس کے بعد پیش کیا گیا ہے جن میں انفرادی صارفین اور حکومتی اداروں دونوں کو ہدف بناتے ہوئے اسکیمز کی نشاندہی کی گئی تھی۔
یہ بھی پڑھیں: میٹا نے تھریڈز پر اشتہارات شروع کرنے کا اعلان کردیا، مونیٹائز کی جانب اہم قدم
یہ قانون ایسے وقت میں آیا ہے جب میٹا نے عالمی سطح پر ریگولیٹرز کی جانب سے سوشل میڈیا اسکیمز کے خلاف اقدامات کو تسلیم کیا ہے۔
تاہم حال ہی میں سامنے آنے والے اندرونی دستاویزات سے پتہ چلا ہے کہ میٹا نے ایک عالمی ’ریگولیٹری پلے بک‘ تیار کی تھی جس کا مقصد اشتہاردینے والوں کی تصدیقی ضروریات کو سست یا کمزور کرنا تھا تاکہ آمدنی کو تحفظ دیا جاسکے۔
میٹا کے ترجمان کے مطابق یہ تصدیقی اقدامات ’کامل حل‘ نہیں ہیں اور کمپنی ریگولیٹرز کے ساتھ مل کراسکیمز کے خلاف کام کررہی ہے، میٹا کا کہنا ہے کہ یہ اقدامات اس کی وسیع حکمت عملی کا حصہ ہیں تاکہ پلیٹ فارمز پر جعلی سرگرمیوں کو کم کیا جاسکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اشتہار امریکا امریکی سینیٹرز جعلی اشتہارات سوشل میڈیا میٹا.
ذریعہ
ذریعہ: WE News
کلیدی لفظ: اشتہار امریکا امریکی سینیٹرز جعلی اشتہارات سوشل میڈیا میٹا
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا