16 لاکھ 14 ہزار 296 روایتی میٹر، اسمارٹ میٹرنگ سسٹم پر منتقل
اشاعت کی تاریخ: 4th, February 2026 GMT
اسلام آباد(نیوزڈیسک)پاکستان میں اسمارٹ میٹرز یعنی بجلی کے ایڈوانس میٹرنگ انفراسٹرکچر پر کام جاری ہے،سولہ لاکھ سے زیادہ روایتی میٹرز کو اسمارٹ میٹرنگ سسٹم پر منتقل کر دیا گیا۔
حکام پاورڈویژن کےمطابق بجلی چوری،لائن لاسزاورغلط ریڈنگ کاخاتمہ ہونے سےسالانہ ڈیڑھ سو ارب روپے کی بچت ہوگی،بجلی چوری، غلط ریڈنگ کا خاتمہ، سالانہ اربوں کے نقصانات روکنے میں مدد ملے گی
حکام پاورڈویژن کےمطابق باقی 3 کروڑ 31 لاکھ میٹرز کو اے ایم آئی ا سمارٹ سسٹم پر منتقل کرنے کا عمل تیز کردیا گیا ہے،ڈسکوز میں عالمی بینک کی معاونت سے چل رہا ہے۔
دستاویز کےمطابق اسلام آباد ریجن میں سب سے زیادہ 11 لاکھ سے زائد ایڈوانس میٹرز نصب کر دیئے گئے، گوجرانوالہ الیکٹرک میں ایک لاکھ 74 ہزار،لاہور الیکٹرک میں ایک لاکھ سے زائد جدید میٹرز نصب کیے گئے، ملتان ریجن میں 94 ہزار 597، فیصل آباد میں 24 ہزار سے زائد جدید میٹرز نصب کیے گئے،جبکہ حیدر آباد میں 16 ہزار، سکھر ریجن میں 15 ہزار سے زائد اے ایم آئی میٹرز کی تنصیب کی گئی۔
.
ذریعہ
ذریعہ: Daily Mumtaz
پڑھیں:
کراچی، شہر کے مختلف علاقوں میں حادثات کے نتیجے میں 3 افراد جاں بحق
کراچی:شہر قائد کے مختلف علاقوں میں پیش آنے والے افسوسناک حادثات کے نتیجے میں تین افراد جان کی بازی ہار گئے جبکہ لاشوں کو قانونی کارروائی کے لیے اسپتال منتقل کر دیا گیا۔
ریسکیو ذرائع کے مطابق بلوچ کالونی کے علاقے کشمیر کالونی نالے والے روڈ پر نامعلوم گاڑی کی ٹکر سے ایک 20 سالہ راہگیر جاں بحق ہوگیا۔
اطلاع ملنے پر چھیپا کے رضاکار موقع پر پہنچے اور لاش کو جناح اسپتال منتقل کیا جہاں متوفی کی شناخت کے لیے کوششیں جاری ہیں۔
دوسرا واقعہ ایف سی ایریا کے ایک اپارٹمنٹ میں پیش آیا جہاں کرنٹ لگنے سے ایک شخص جاں بحق ہوگیا۔
چھیپا حکام کے مطابق متوفی کی لاش عباسی شہید اسپتال منتقل کی گئی جہاں اس کی شناخت 40 سالہ اظہر احمد کے نام سے ہوئی۔
ادھر قیوم آباد میں جام صادق پل پر تیز رفتار ٹریلر کی ٹکر سے موٹرسائیکل سوار موقع پر ہی دم توڑ گیا۔
ریسکیو اہلکاروں نے لاش کو جناح اسپتال منتقل کیا جہاں متوفی کی شناخت 40 سالہ شکیل کے نام سے کی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ