ملک بھر میں لاپتا افراد کے کیسز 10 ہزار سے تجاوز، سینکڑوں تاحال زیرِ تفتیش
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ملک بھر میں لاپتا افراد کے کیسز کی تعداد تشویشناک حد تک بڑھتے ہوئے 10 ہزار سے تجاوز کر گئی ہے۔
سرکاری اعداد و شمار کے مطابق مجموعی طور پر لاپتا افراد کے کیسز کی تعداد 10 ہزار 806 تک پہنچ چکی ہے، جس نے انسانی حقوق اور قانون نافذ کرنے والے اداروں کے لیے سنجیدہ سوالات کھڑے کر دیے ہیں۔
دستاویزات کے مطابق جنوری 2026 تک ملک بھر میں 9 ہزار 259 کیسز نمٹا دیے گئے تھے، تاہم ایک ہزار 547 افراد کے معاملات تاحال مختلف مراحل میں زیرِ تفتیش ہیں۔ ان کیسز میں کئی خاندان برسوں سے اپنے پیاروں کی واپسی کے منتظر ہیں۔
اعداد و شمار کے مطابق زیرِ تفتیش کیسز کی سب سے زیادہ تعداد خیبرپختونخوا میں ہے جہاں 970 افراد کے کیسز تاحال حل طلب ہیں، جبکہ پنجاب میں 211 کیسز زیرِ تفتیش ہیں۔ بلوچستان میں لاپتا افراد کے 167 کیسز موجود ہیں، سندھ میں 145، اسلام آباد میں 44 اور آزاد کشمیر میں 10 کیسز تاحال حل نہیں ہو سکے۔
ان اعداد و شمار نے لاپتا افراد کے مسئلے کی سنگینی کو ایک بار پھر اجاگر کر دیا ہے، جبکہ متاثرہ خاندان حکام سے مطالبہ کر رہے ہیں کہ تحقیقات کو تیز، شفاف اور مؤثر بنایا جائے تاکہ برسوں سے جاری بے یقینی کا خاتمہ ممکن ہو سکے۔
.
ذریعہ
ذریعہ: Jasarat News
کلیدی لفظ: لاپتا افراد کے افراد کے کیسز افراد کے کی
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ