چین کا پہلا بایومیمیٹک اے آئی روبوٹ انتہائی انسانی شکل میں متعارف
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ٹیکنالوجی کی دنیا میں انسان نما روبوٹس کے شعبے میں ایک اور تاریخی قدم آگے بڑھا ہے، چین کی کمپنی ڈریوڈ اپ نے ایک ایسا روبوٹ تیار کیا ہے جو تقریباً حقیقی انسان جیسا دکھائی دیتا ہے، روبوٹ مویا کا جسمانی درجہ حرارت 32 سے 36 ڈگری سینٹی گریڈ تک ہے، تاکہ یہ انسانی جسم کی گرمائش کو بھی ظاہر کر سکے۔
بین الاقوامی میڈیا رپورٹس کے مطابق مویا اب بھی مکمل طور پر انسان جیسا نہیں ہے اور دیکھ کر آسانی سے پہچانا جا سکتا ہے کہ یہ ایک روبوٹ ہے، تاہم اس کی کچھ خصوصیات حیران کن اور دلچسپ ہونے کے ساتھ ساتھ انسانوں کے لیے قدرے خوف زدہ کرنے والی بھی ہیں، اس روبوٹ کا چلنے کا انداز تقریباً 92 فیصد تک انسانوں کے جیسا ہے اور یہ انسانوں کے ساتھ دوستانہ رویہ اختیار کر سکتا ہے۔
کمپنی کا کہنا ہے کہ مویا کی آنکھوں کے پیچھے نصب کیمرا اس کی بات چیت کی صلاحیت کو فعال کرتا ہے جبکہ اس میں نصب آرٹیفیشل انٹیلی جنس (اے آئی) اسے انسانی تاثرات کا مظاہرہ کرنے کے قابل بناتا ہے، یہی وجہ ہے کہ مویا دنیا کا پہلا بایومیمیٹک اے آئی روبوٹ قرار دیا جا رہا ہے۔
دلچسپ بات یہ ہے کہ اپریل 2025 میں مویا کا پروٹوٹائپ دنیا کی پہلی روبوٹ ہاف میراتھون ریس میں کانسی کا تمغہ جیتنے میں کامیاب ہوا، جو اس کی جسمانی فٹنس اور چلنے کی قدرتی مہارت کی علامت ہے۔
ڈریوڈ اپ کا ارادہ ہے کہ مویا کو طبی نگہداشت، تعلیم اور دیگر انسانی مددگار کاموں میں استعمال کیا جائے، تاکہ یہ انسانوں کے دوست اور ساتھی کے طور پر اپنی خدمات فراہم کر سکے۔
کمپنی نے اعلان کیا ہے کہ 2026 کے دوران مویا کو مارکیٹ میں فروخت کے لیے پیش کیا جائے گا، اور اس کی قیمت ایک لاکھ 73 ہزار ڈالرز متوقع ہے۔
ذریعہ
ذریعہ: Jasarat News
کلیدی لفظ: انسانوں کے
پڑھیں:
ملکی برآمدات میں اضافہ نہیں ہو رہا، کپیسٹی چارجز کے سبب بجلی کی قیمتیں زیادہ ہیں، قائمہ کمیٹی تجارت
اسلام آباد:قومی اسمبلی کی قائمہ کمیٹی برائے تجارت کے چیئرمین جاوید حنیف خان کا کہنا ہے کہ ملک میں زیادہ تر ٹیکسز آئی ایم ایف کی شرائط کے تحت عائد کیے جاتے ہیں اور سب کو معلوم ہے کہ ملکی برآمدات میں اضافہ نہیں ہو رہا جبکہ کپیسٹی چارجز کی وجہ سے بجلی کی قیمتیں بہت زیادہ ہیں۔
ایکسپریس کے مطابق قومی اسمبلی کی قائمہ کمیٹی برائے تجارت کا اجلاس چیئرمین جاوید حنیف خان کی زیر صدارت منعقد ہوا جس میں گزشتہ بیس برس کے دوران ملکی برآمدات میں خاطر خواہ اضافہ نہ ہونے کی وجوہات پر تفصیلی غور کیا گیا۔
جاوید حنیف خان نے کہا کہ سب کو معلوم ہے کہ ملکی برآمدات میں اضافہ نہیں ہو رہا جبکہ کپیسٹی چارجز کی وجہ سے بجلی کی قیمتیں بہت زیادہ ہیں۔ انہوں نے یہ بھی کہا کہ ملک میں زیادہ تر ٹیکسز بین الاقوامی مالیاتی فنڈ (آئی ایم ایف) کی شرائط کے تحت عائد کیے جاتے ہیں۔
اجلاس میں رکن کمیٹی عالیہ کامران نے کہا کہ پاکستان کی صرف ایک فارماسیوٹیکل کمپنی کو بین الاقوامی سطح پر تسلیم کیا گیا ہے۔ انہوں نے سوال اٹھایا کہ آلو جلد خراب ہو جاتے ہیں انہیں برآمد کرنے کے لیے کیا اقدامات کیے جا رہے ہیں؟ عالیہ کامران نے مزید کہا کہ ملک میں حلال فوڈ اتھارٹی تو موجود ہے لیکن تاحال اس کے قواعد و ضوابط مرتب نہیں کیے گئے جبکہ ایسا سازگار ماحول بھی پیدا نہیں ہو رہا کہ بیرونی سرمایہ کار پاکستان آ کر سرمایہ کاری کریں۔
قائمہ کمیٹی کے اجلاس میں لائف انشورنس نیشنلائزیشن ترمیمی بل 2026ء بھی زیر بحث آیا۔ اس موقع پر سیکریٹری تجارت جواد پال نے بتایا کہ کمپنی کا نام اسٹیٹ لائف انشورنس لمیٹڈ رکھا جائے گا۔ کمیٹی کے رکن مرزا اختیار بیگ نے استفسار کیا کہ آیا یہ کمپنی پبلک پرائیویٹ لمیٹڈ ہوگی یا سرکاری ادارہ ہوگا اس پر حکام نے وضاحت کی کہ اگر حکومت کے پاس 51 فیصد شیئرز ہوں گے تو کمپنی پبلک شمار ہوگی، بصورت دیگر اسے پرائیویٹ تصور کیا جائے گا۔
سیکریٹری تجارت جواد پال نے مزید بتایا کہ کمپنی وزارت کے ماتحت ہی رہے گی تاہم اس کا بورڈ آزاد ہوگا اس پر کمیٹی کے ایک رکن نے رائے دی کہ اگر بورڈ کو آزاد بنانا مقصود ہے تو اسے آزادانہ طور پر کام کرنے کی بھی اجازت ہونی چاہیے۔
چیئرمین جاوید حنیف خان نے کہا کہ یہ کمپنی بہرحال ایس او ایز ایکٹ کے تحت قائم کی جائے گی۔
سیکریٹری تجارت نے واضح کیا کہ کسی پبلک لمیٹڈ کمپنی کے غیر محدود شیئرز نہیں ہو سکتے۔
اجلاس کے دوران صوبائی قوانین اور اثاثوں کی منتقلی کے معاملات پر بھی گفتگو ہوئی چیئرمین جاوید حنیف خان نے کہا کہ پراپرٹی یا اثاثوں کی منتقلی پر صوبائی قوانین نافذ ہوتے ہیں لہٰذا یہ سوال پیدا ہوتا ہے کہ اس بل کے ذریعے صوبائی قانون کو کیسے بائی پاس کیا جا سکتا ہے؟ انہوں نے خبردار کیا کہ اسٹیمپ ڈیوٹی یا متعلقہ فیسوں کے حوالے سے صوبے کسی بھی وقت سوال اٹھا سکتے ہیں۔
ان کا کہنا تھا کہ صوبوں میں انشورنس کے تقریباً دو ٹریلین روپے کے اثاثے موجود ہیں اس لیے اندازہ لگایا جا سکتا ہے کہ اتنے بڑے اثاثوں پر اسٹیمپ ڈیوٹی کی مالیت کتنی ہوگی؟چیئرمین کمیٹی نے اس بات پر زور دیا کہ کوئی بھی ایسا قانون نہیں بنایا جا سکتا جو صوبوں کے مفادات کو متاثر کرتا ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ