ممبئی حاملہ معذور خاتون کے ساتھ زیادتی، ڈی این اے رپورٹ میں والد ہی ملزم ثابت
اشاعت کی تاریخ: 5th, February 2026 GMT
بھارتی شہر ممبئی میں پیش آنے والے ایک انتہائی افسوسناک اور انسانیت کو جھنجھوڑ دینے والے واقعے میں 20 سالہ سماعت و گویائی سے محروم خاتون کے ساتھ زیادتی کا انکشاف ہوا ہے، جس کے نتیجے میں وہ حاملہ ہو گئی۔ پولیس کے مطابق ڈی این اے ٹیسٹ کے بعد متاثرہ خاتون کا والد ہی بچے کا حیاتیاتی باپ ثابت ہوا، جسے گرفتار کر لیا گیا ہے۔
یہ بھی پڑھیں:بھارت، منی پور میں اغوا اور اجتماعی زیادتی کی شکار خاتون انتقال کر گئی
پولیس کے مطابق یہ واقعہ ممبئی کے علاقے کَف پریڈ میں مارچ سے ستمبر 2025 کے دوران پیش آیا۔ ستمبر میں خاتون نے اپنی دادی کو پیٹ میں تکلیف کی شکایت کی، جس پر اسپتال لے جایا گیا، جہاں طبی معائنے سے 5 ماہ کی حمل کا انکشاف ہوا۔ اسپتال انتظامیہ نے فوری طور پر پولیس کو اطلاع دی۔
ابتدائی طور پر پولیس کو بیان ریکارڈ کرنے میں مشکلات کا سامنا رہا، تاہم بعد ازاں خاتون کی شکایت پر کارروائی کرتے ہوئے ایک شخص اور 17 سالہ لڑکے کو بھی حراست میں لیا گیا۔ تفتیش کے دوران 17 مشتبہ افراد کے ڈی این اے نمونے لیے گئے، جنہیں جنین کے ڈی این اے سے ملایا گیا۔ 27 جنوری کو آنے والی رپورٹ میں صرف ایک مثبت میچ سامنے آیا، جو متاثرہ خاتون کے والد کا تھا۔
پولیس کا کہنا ہے کہ کیس درج کر کے مزید قانونی کارروائی جاری ہے، جبکہ دیگر افراد کے کردار کی بھی تحقیقات کی جا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت حاملہ خاتون معذور خاتون ممبئی والد ملزم.
ذریعہ
ذریعہ: WE News
کلیدی لفظ: بھارت حاملہ خاتون معذور خاتون والد ملزم
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا