کراچی: ڈیجیٹل اسکرین پر نامناسب مواد کی تشہیر، ایک ملزم گرفتار،مقدمہ درج
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی کے علاقے ڈیفنس خیابانِ اتحاد میں نصب ڈیجیٹل ایڈورٹائزنگ اسکرینز پر نامناسب ویڈیو چلنے کے واقعے پر گذری پولیس نے مقدمہ درج کرتے ہوئے ایک شخص کو گرفتار کر لیا ہے۔ پولیس کے مطابق یہ مقدمہ کمپنی کے لیگل ایڈوائزر شاکر علی کی درخواست پر درج کیا گیا ہے۔
پولیس کا کہنا ہے کہ مقدمہ نمبر 56 برائے سال 2026 تعزیراتِ پاکستان کی دفعہ 292 کے تحت درج کیا گیا، جس میں نامناسب ویڈیو نشر کرنے کا الزام عائد کیا گیا ہے۔ واقعے کے بعد کمپنی کے ایک ملازم کو حراست میں لے لیا گیا ہے۔
مدعی کے مطابق بدھ کی رات 9 بج کر 37 منٹ پر کمپنی کے آپریشن ڈائریکٹر نے انہیں اطلاع دی کہ خیابان اتحاد میں نصب کمپنی کی ایس ایم ڈی اسکرین پر غیر اخلاقی ویڈیو چل رہی ہے۔ اطلاع ملنے پر مدعی خود موقع پر پہنچے اور اسکرین بند کروائی۔
کمپنی انتظامیہ نے پولیس کو بتایا کہ شبہ ہے کسی اندرونی فرد نے سسٹم تک غیر مجاز رسائی حاصل کر کے کمپنی کو بدنام کرنے کی نیت سے یہ ویڈیو چلائی۔ اس معاملے پر تفتیش کا آغاز کردیا گیا۔
پولیس کے مطابق تحقیقات کے دوران کمپنی کے ملازم اکرم کو گرفتار کیا گیا ہے۔ ابتدائی بیان میں ملزم نے مؤقف اختیار کیا کہ کمپنی کی جانب سے فراہم کردہ ویڈیوز اس کے موبائل فون میں محفوظ تھیں اور اسی دوران موبائل میں موجود ایک اور ویڈیو غلطی سے اسکرین پر چل گئی۔ پولیس کے مطابق ملزم سے مزید تفتیش جاری ہے۔
ذریعہ
ذریعہ: Jasarat News
کلیدی لفظ: کمپنی کے کے مطابق کیا گیا گیا ہے
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار