خیبر پختونخوا میں سیکورٹی فورسز کی 2 بڑی کارروائیاں، 24 دہشت گرد مارے گئے
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
خیبر پختونخوا میں سیکورٹی فورسز نے انٹیلی جنس معلومات کی بنیاد پر کی گئی 2 الگ الگ کارروائیوں کے دوران بھارتی سرپرستی میں سرگرم فتنۃ الخوارج سے تعلق رکھنے والے 24 دہشت گردوں کو ہلاک کر دیا۔
پاک فوج کے شعبہ تعلقات عامہ کے مطابق یہ کارروائیاں 4 اور 5 فروری کو کی گئیں، جن کا مقصد صوبے میں امن و امان کو درپیش سنگین خطرات کا خاتمہ کرنا تھا۔
آئی ایس پی آر کے مطابق پہلی کارروائی ضلع اورکزئی میں اس وقت کی گئی جب مصدقہ انٹیلی جنس اطلاعات موصول ہوئیں کہ خوارج کے عناصر علاقے میں موجود ہیں اور تخریبی کارروائیوں کی منصوبہ بندی کر رہے ہیں۔ اطلاع ملنے پر سیکورٹی فورسز نے فوری طور پر انٹیلی جنس بیسڈ آپریشن کا آغاز کیا اور دہشت گردوں کے ٹھکانے کو مؤثر انداز میں گھیرے میں لے لیا۔
بیان کے مطابق شدید فائرنگ کے تبادلے کے بعد سیکورٹی فورسز نے پیشہ ورانہ مہارت کا مظاہرہ کرتے ہوئے 14 خوارج کو ہلاک کر دیا۔ کارروائی کے دوران دہشت گردوں کے ٹھکانوں کو مکمل طور پر تباہ کیا گیا تاکہ مستقبل میں کسی بھی قسم کی دہشت گرد سرگرمی کا امکان ختم کیا جا سکے۔
آئی ایس پی آر نے بتایا کہ دوسری کارروائی ضلع خیبر میں کی گئی، جہاں انٹیلی جنس اطلاعات کی بنیاد پر دہشت گردوں کے خلاف ٹارگٹڈ آپریشن کیا گیا۔ فائرنگ کے تبادلے کے دوران مزید 10 خوارج کو مؤثر انداز میں ہلاک کر دیا گیا۔
بیان میں کہا گیا کہ یہ دہشت گرد بھارتی پراکسی نیٹ ورک کے تحت سرگرم تھے اور صوبے میں بدامنی پھیلانے کی کوششوں میں ملوث تھے۔
فوج کے شعبہ تعلقات عامہ کے مطابق دونوں علاقوں میں کلیئرنس اور سرچ آپریشنز جاری ہیں تاکہ کسی بھی دوسرے دہشت گرد یا سہولت کار کی موجودگی کا مکمل خاتمہ یقینی بنایا جا سکے۔
سیکورٹی فورسز اور قانون نافذ کرنے والے ادارے قومی ایکشن پلان کے تحت وفاقی ایپکس کمیٹی کی منظور شدہ حکمت عملی ’’عزمِ استحکام‘‘ کے وژن کے مطابق دہشت گردی کے مکمل خاتمے تک اپنی انسدادِ دہشت گردی مہم پوری قوت کے ساتھ جاری رکھیں گے۔
دوسری جانب وفاقی وزیر داخلہ محسن نقوی نے خیبر پختونخوا میں فتنۃ الخوارج کے دہشت گردوں کے خلاف کامیاب کارروائیوں پر سیکورٹی فورسز کو خراجِ تحسین پیش کیا ہے۔ انہوں نے 24 دہشت گردوں کو ہلاک کرنے پر فورسز کی پیشہ ورانہ صلاحیت، بروقت کارروائی اور عزم کو سراہا۔
محسن نقوی کا کہنا تھا کہ سیکورٹی فورسز نے بروقت اور مؤثر کارروائیاں کرکے دہشت گردوں کے مذموم عزائم کو ناکام بنا دیا۔ انہوں نے کہا کہ خیبر پختونخوا میں قیامِ امن کے لیے فورسز کی قربانیاں اور خدمات قابلِ ستائش ہیں اور بھارتی پراکسی فتنۃ الخوارج کے مکمل خاتمے تک آپریشنز بلا تعطل جاری رہیں گے۔
.
ذریعہ
ذریعہ: Jasarat News
کلیدی لفظ: خیبر پختونخوا میں سیکورٹی فورسز نے دہشت گردوں کے انٹیلی جنس کے مطابق ہلاک کر
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا