ٹی ٹوئنٹی ورلڈکپ: آسٹریلیا کو پیٹ کمنز کے بعد ایک اور بڑا دھچکا، اہم بولر سے محروم
اشاعت کی تاریخ: 6th, February 2026 GMT
آسٹریلیا کو آئی سی سی ٹی ٹوئنٹی ورلڈ کپ سے قبل ایک اور بڑا دھچکا لگا ہے۔
تفصیلات کے مطابق تجربہ کار فاسٹ بولر جوش ہیزل ووڈ انجری کے باعث ٹورنامنٹ سے باہر ہو گئے ہیں۔
ہیزل ووڈ 12 نومبر کو شیفیلڈ شیلڈ میچ کے دوران ہیم اسٹرنگ انجری کا شکار ہوئے تھے اور اس کے بعد سے کوئی میچ نہیں کھیل سکے۔
اگرچہ انہیں ابتدائی طور پر ورلڈ کپ اسکواڈ میں شامل کیا گیا تھا، تاہم آسٹریلوی سلیکٹر ٹونی ڈوڈیمیڈ کے مطابق ان کی مکمل فٹنس میں واپسی میں مزید وقت درکار ہے۔
سلیکٹرز نے واضح کیا کہ ان کی بحالی کے عمل میں تیزی لانا خطرناک ہو سکتا ہے، تاہم فی الحال ان کا کوئی متبادل نامزد نہیں کیا جا رہا۔
Massive news coming out of the Australian camp ahead of the T20 World Cup.
Full story: https://t.co/gVBdPvapbO pic.twitter.com/oawuyEozqv — cricket.com.au (@cricketcomau) February 6, 2026
انہوں نے مزید کہا کہ ہم ابتدائی میچز کے لیے مکمل طور پر تیار ہیں، اگلے مرحلے میں ٹیم کی ضرورت کے مطابق کوئی فیصلہ کریں گے۔
واضح رہے کہ پیٹ کمنز پہلے ہی انجری کے باعث ورلڈلپ سے باہر ہوچکے ہیں جبکہ مچل اسٹارک ٹی ٹوئنٹی انٹرنیشنل کرکٹ سے ریٹائر ہو چکے ہیں۔
اس صورتحال کے باعث 2011 کے بعد یہ پہلا موقع ہوگا کہ کسی ورلڈ کپ میں آسٹریلیا کے ’بگ تھری‘ فاسٹ بولرز شامل نہیں ہوں گے۔
اس وقت آسٹریلوی اسکواڈ میں صرف زیویئر بارٹلیٹ اور بین ڈوارشیئس مکمل فٹ فاسٹ بولرز ہیں جبکہ شان ایبٹ ریزرو کے طور پر موجود ہیں۔
نیتھن ایلس اور ٹم ڈیوڈ کی دستیابی پر بھی نظر رکھی جا رہی ہے اور کرکٹ آسٹریلیا کا کہنا ہے کہ دونوں گروپ مرحلے کے لیے دستیاب ہوں گے۔
فاسٹ بولرز کی کمی کے باعث آسٹریلیا ابتدائی میچز میں اسپن بولنگ پر زیادہ انحصار کر سکتا ہے جس میں ایڈم زیمپا، میتھیو کوہنیمن اور کوپر کونولی اہم کردار ادا کریں گے۔
کپتان مچل مارش کا کہنا ہے کہ ٹیم میں موجود آل راؤنڈرز کی بدولت اسکواڈ متوازن ہے اور حالات کے مطابق ٹیم ترتیب دی جائے گی۔
اسکواڈ:
مچ مارش (کپتان)، زیویئر بارٹلیٹ، کوپر کونولی، ٹم ڈیوڈ، بین ڈوارشیئس، کیمرون گرین، نیتھن ایلس، ٹریوس ہیڈ، جوش انگلیس، میتھیو کوہنیمن، گلین میکسویل، میتھیو رینشا، مارکس اسٹوئنس، ایڈم زیمپا
ٹریولنگ ریزرو:
شان ایبٹ
ذریعہ
ذریعہ: Express News
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی