ڈاکٹر نبیہہ کے شوہر دوسری شادی کے لیے تیار؟ حارث کھوکھر نے پرانے بیانات پر سوال اٹھادیا
اشاعت کی تاریخ: 6th, February 2026 GMT
معروف سوشل میڈیا اسٹار ڈاکٹر نبیہہ علی خان کے شوہر حارث کھوکھر نے انہیں شادی سے قبل دیے گئے بیانات کی یاد دہانی کرائی جس میں ڈاکٹر نبیہہ کہتی تھیں کہ اسلام میں 4 شادیاں جائز ہیں اور مردوں کے لیے ایک سے زیادہ شادیاں کرنے کی اجازت ہونی چاہیے۔
حالیہ پوڈکاسٹ میں ڈاکٹر نبیہہ علی خان نے ایک بار پھر 4 شادیوں کے موضوع پر بات کی اور کہا کہ وہ کسی ایسی شادی میں نہیں رہیں گی جہاں ان کے شوہر ان کی محبت اور کوششوں کے باوجود کسی دوسری عورت سے شادی کریں۔ تاہم اگر کوئی عورت اس صورتحال کو برداشت کر سکتی ہے تو اسے اپنے شوہر کے ساتھ رہنا چاہیے۔
اس موقع پر حارث کھوکھر نے ڈاکٹر نبیہہ کو ان کے سابقہ بیانات کی یاد دہانی کراتے ہوئے کہا کہ آپ شادی سے پہلے خود کہتی رہی ہیں کہ پاکستان میں خواتین کی تعداد مردوں سے زیادہ ہے اس لیے مردوں کو متعدد شادیاں کرنے کی اجازت ہونی چاہیے تو کیا آپ اب بھی اپنے بیان پر قائم ہیں؟
ڈاکٹر نبیہہ نے جواب دیتے ہوئے کہا کہ وہ اپنے بیان پر قائم ہیں لیکن اگر کوئی دوسری عورت آئی تو پہلے میں اپنا گھر بچاؤں گی اور اسے عبرت کا نشان بناؤں گی تاکہ دوسری عورتوں کو بھی نصیحت ہو۔
انہوں نے یہ بھی واضح کیا کہ اگر ان کے شوہر حارث دوسری شادی کریں اور ان کا ساتھ برقرار رکھیں، تو وہ خود علیحدگی اختیار کر لیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چار شادیاں ڈاکٹر نبیہ علی خان ڈاکٹر نبیہ علی خان پوڈ کاسٹ.
ذریعہ
ذریعہ: WE News
کلیدی لفظ: چار شادیاں ڈاکٹر نبیہ علی خان ڈاکٹر نبیہہ علی خان کے شوہر
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا