رئیس جامعہ بنوریہ عالمیہ مفتی نعمان نعیم کی اسلام آباد دھماکے کی مذمت
اشاعت کی تاریخ: 6th, February 2026 GMT
مفتی نعمان نعیم: فائل فوٹو
رئیس جامعہ بنوریہ عالمیہ مفتی نعمان نعیم نے اسلام آباد دھماکے کی مذمت کی ہے۔
اپنے بیان میں مفتی نعمان نعیم نے کہا کہ ملک دشمن قوتیں دہشت گردی کے ذریعے وطنِ عزیز کو غیر مستحکم کرنا چاہتی ہیں۔
مفتی نعمان نعیم نے کہا کہ بے گناہ شہریوں کا قتل اور عبادت گاہوں کو نشانہ بنانا بدترین دہشت گردی ہے۔
خیال رہے کہ اسلام آباد کے علاقے ترلائی میں نماز جمعہ کے دوران خودکش دھماکا ہوا ہے۔
پولیس کے مطابق خودکش حملہ آور کا تعلق فتنہ الخوارج سے تھا، جسے گیٹ پر روکا گیا تو اس نے اپنے آپ کو دھماکے سے اڑا دیا۔
ڈی سی اسلام آباد کے مطابق دھماکے میں 31 افراد شہید اور متعدد زخمی ہوئے ہیں۔
پولیس کے مطابق دھماکہ نماز جمعہ کے دوران مسجد و امام بارگاہ خدیجۃ الکبریٰ میں ہوا، خودکش حملہ آور نے مسجد میں داخلے سے روکنے پر خود کو دھماکے سے اڑا لیا تھا۔
پمز اسپتال کے حکام کے مطابق اب تک 11 شہداء کی میتیں، جبکہ 60 زخمی لائے گئے، دھماکے کے بعد پولیس، فوج کے دستوں اور رینجرز نے علاقے کو گھیرے میں لے لیا، زخمیوں کو اسلام آباد اور راولپنڈی کے دیگر علاقوں میں منتقل کرنے کا سلسلہ جاری ہے۔
.
ذریعہ
ذریعہ: Jang News
کلیدی لفظ: مفتی نعمان نعیم اسلام آباد کے مطابق
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی