ترلائی مسجد و امام بارگاہ میں دھماکہ، علامہ ساجد علی نقوی کی شدید مذمت
اشاعت کی تاریخ: 6th, February 2026 GMT
اپنے مذمتی بیان میں ایس یو سی پاکستان کے سربراہ نے کہا کہ عبادت کے مقامات کو نشانہ بنانا انسانیت اور اسلام دشمن عناصر کی کھلی درندگی ہے، جس کا مقصد ملک میں خوف و ہراس پھیلانا اور مذہبی ہم آہنگی کو نقصان پہنچانا ہے۔ اسلام ٹائمز۔ شیعہ علماء کونسل پاکستان کے سربراہ علامہ سید ساجد علی نقوی نے ترلائی میں مسجد و امام بارگاہ خدیجۃ الکبریٰ میں ہونے والے دھماکے کی شدید الفاظ میں مذمت کرتے ہوئے اسے عبادت گاہوں کے تقدس پر حملہ قرار دیا ہے۔ اپنے مذمتی بیان میں علامہ ساجد علی نقوی نے کہا کہ عبادت کے مقامات کو نشانہ بنانا انسانیت اور اسلام دشمن عناصر کی کھلی درندگی ہے، جس کا مقصد ملک میں خوف و ہراس پھیلانا اور مذہبی ہم آہنگی کو نقصان پہنچانا ہے۔ انہوں نے مطالبہ کیا کہ زخمیوں کو فوری اور مؤثر طبی امداد فراہم کی جائے اور واقعے کی شفاف و فوری تحقیقات کرکے ذمہ دار عناصر کو قانون کے کٹہرے میں لایا جائے۔ انہوں نے اس عزم کا اظہار کیا کہ قوم ایسے بزدلانہ حملوں سے مرعوب نہیں ہوگی اور دہشتگردی کے خلاف متحد رہے گی۔
.
ذریعہ
ذریعہ: Islam Times
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ٹی20 ورلڈ کپ 2026: پاکستان نے سپر 8 کے لیے جگہ پکی کر لی