سانحہ اسلام آباد کے بعد لاہور میں سکیورٹی ہائی الرٹ، سی سی پی او لاہور نے خصوصی ہدایات جاری کردیں
اشاعت کی تاریخ: 7th, February 2026 GMT
سانحہ اسلام آباد کے پیشِ نظر صوبہ پنجاب کے دارالحکومت لاہور میں سکیورٹی ہائی الرٹ کر دی گئی ہے۔ سی سی پی او لاہور بلال صدیق کمیانہ نے شہر بھر میں سکیورٹی انتظامات مزید سخت کرنے کے احکامات جاری کر دیے ہیں۔
سی سی پی او لاہور نے امام بارگاہوں، مساجد اور دیگر مذہبی مقامات کی سکیورٹی کے لیے خصوصی اقدامات کی ہدایت کرتے ہوئے کہا کہ عبادت گاہوں پر کسی قسم کی غفلت برداشت نہیں کی جائے گی۔ انہوں نے کہا کہ پبلک مقامات، مارکیٹوں اور رش والے علاقوں میں عوام کی جان و مال کے تحفظ کے لیے بہترین انتظامات یقینی بنائے جائیں۔
بلال صدیق کمیانہ نے شہر کے داخلی اور خارجی راستوں کی نگرانی مزید سخت کرنے کی ہدایت کرتے ہوئے کہا کہ مشتبہ افراد اور گاڑیوں پر کڑی نظر رکھی جائے۔ انہوں نے سپروائزری افسران کو ہدایت کی کہ وہ فیلڈ میں متحرک رہیں اور سکیورٹی انتظامات کی متواتر مانیٹرنگ کریں۔
سی سی پی او لاہور نے کہا کہ پولیس ٹیمیں ہاٹ اسپاٹ ایریاز کی خصوصی نگرانی کریں جبکہ سیف سٹی اتھارٹی کے کیمرہ نیٹ ورک کے ذریعے شاہراؤں اور اہم مقامات کی مسلسل نگرانی جاری رکھی جائے۔
انہوں نے شہریوں سے اپیل کی کہ وہ کسی بھی مشکوک سرگرمی کی صورت میں فوری طور پر 15 یا قریبی تھانے کو اطلاع دیں تاکہ بروقت کارروائی کو یقینی بنایا جا سکے۔
سی سی پی او لاہور کا کہنا تھا کہ امن و امان برقرار رکھنا پولیس کی اولین ترجیح ہے اور شہریوں کے تعاون سے ہر ممکن خطرے کو ناکام بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: سی سی پی او لاہور کہا کہ
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست کا اجرا
لاہور: بلدیاتی الیکشن کے لیے حلقہ بندیوں کی ابتدائی فہرست جاری کر دی گئی. لاہور میں مجموعی طور پر 433 یونین کونسلز بنائی گئی ہیں۔ڈسٹرکٹ الیکشن کمشنر پنجاب نے لاہورکی یونین کونسل کی حلقہ بندیوں کی ابتدائی فہرست جاری کردی.فہرست کےمطابق لاہور کو نو ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔شہری 23 جون تک حلقہ بندیوں پر اعتراضات دائرکرسکتے ہیں. 24 جولائی تک اعتراضات پر فیصلہ سنایا جائےگا. تمام حلقہ بندیوں کی حتمی فہرست 10اگست 2026 کو جاری ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ