اسلام آباد حملے پر محمد رضوان کا اظہارِ افسوس، شہداء کے اہلِ خانہ سے دلی ہمدردی
اشاعت کی تاریخ: 7th, February 2026 GMT
پاکستان کرکٹ ٹیم کے اسٹار بلے باز اور وکٹ کیپر محمد رضوان نے اسلام آباد میں ہونے والے خودکش حملے کی شدید مذمت کرتے ہوئے گہرے دکھ اور رنج کا اظہار کیا ہے۔
سماجی رابطے کی ویب سائٹ ایکس پر جاری اپنے بیان میں محمد رضوان نے کہا کہ اسلام آباد میں پیش آنے والے افسوسناک حملے میں معصوم جانوں کے ضیاع پر دل انتہائی رنجیدہ ہے۔ انہوں نے کہا کہ اس کٹھن اور المناک گھڑی میں ان کی تمام تر ہمدردیاں اور دعائیں شہداء کے اہلِ خانہ کے ساتھ ہیں۔
محمد رضوان کا کہنا تھا کہ ہمارا پیارا وطن اور اس کے عوام پہلے ہی بے شمار دکھوں اور آزمائشوں سے گزر چکے ہیں، اور یہ سانحہ ایک اور گہرا زخم ہے۔ اس کے باوجود انہوں نے اس یقین کا اظہار کیا کہ پاکستان اور اس کے بہادر عوام ہر مشکل میں ثابت قدم اور سربلند رہے ہیں۔
قومی کرکٹر نے دعا کرتے ہوئے کہا کہ اللہ تعالیٰ ہماری ارضِ پاک کی حفاظت فرمائے اور ہمارے عوام کو امن، صبر اور طاقت عطا کرے۔
واضح رہے کہ وفاقی دارالحکومت اسلام آباد میں مسجد اور امام بارگاہ کے اندر گزشتہ روز ہونے والے خودکش دھماکے کے نتیجے میں 33 افراد شہید جبکہ 170 سے زائد زخمی ہو گئے۔ ابتدائی اطلاعات کے مطابق حملہ آور کو نمازِ جمعہ کے دوران مسجد میں داخلے سے روکا گیا، جس پر اس نے گیٹ پر خود کو دھماکے سے اڑا لیا۔
عینی شاہدین کے مطابق دھماکا پہلی رکعت کے سجدے کے دوران ہوا، جس کے نتیجے میں مسجد میں بھگدڑ مچ گئی، جبکہ ایک حملہ آور موقع سے فرار ہونے میں کامیاب ہو گیا۔ واقعے کے بعد سیکیورٹی اداروں نے علاقے کو گھیرے میں لے کر تحقیقات شروع کر دی ہیں۔
ذریعہ
ذریعہ: Daily Mumtaz
کلیدی لفظ: اسلام ا باد محمد رضوان
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا