روسی جنرل پر قاتلانہ حملے کی سازش بے نقاب، مبینہ حملہ آور دبئی سے گرفتار
اشاعت کی تاریخ: 8th, February 2026 GMT
روس کے اعلیٰ فوجی انٹیلی جنس افسر پر ماسکو میں ہونے والے قاتلانہ حملے کے معاملے میں اہم پیش رفت سامنے آ گئی ہے۔ روسی سکیورٹی ادارے ایف ایس بی کے مطابق حملے میں ملوث مبینہ مرکزی کردار کو متحدہ عرب امارات کے تعاون سے دبئی سے گرفتار کر کے روس منتقل کر دیا گیا ہے، جبکہ دیگر سہولت کاروں کی نشاندہی بھی کر لی گئی ہے۔
یہ بھی پڑھیں:ماسکو میں مغربی پابندیوں کے شکار روسی انٹیلیجنس عہدیدار فائرنگ سے زخمی
روسی فیڈرل سکیورٹی سروس (ایف ایس بی) نے اعلان کیا ہے کہ ماسکو میں روسی فوجی انٹیلی جنس ادارے جی آر یو کے سینئر افسر لیفٹیننٹ جنرل ولادیمیر الیکسییف پر ہونے والے قاتلانہ حملے کے سلسلے میں دو مشتبہ افراد کو حراست میں لے لیا گیا ہے، جن میں مبینہ فائرنگ کرنے والا شخص بھی شامل ہے۔
Putin held a telephone conversation with UAE president last night — Kremlin spokesman
Russian president thanked him for the assistance of the Emirati side in detaining a suspect in the attempted assassination of General Vladimir Alekseyev https://t.
— RT (@RT_com) February 8, 2026
ایف ایس بی کے مطابق 65 سالہ لیوبومیر کوربا، جو یوکرین میں پیدا ہونے والا روسی شہری ہے، کو دبئی میں متحدہ عرب امارات کی مدد سے گرفتار کیا گیا اور بعد ازاں روس کے حوالے کر دیا گیا۔ حکام کا کہنا ہے کہ کوربا گزشتہ برس دسمبر کے آخر میں یوکرینی سکیورٹی اداروں کی ہدایات پر ماسکو آیا تھا اور اس کا مقصد ایک دہشت گردانہ کارروائی انجام دینا تھا۔
یاد رہے کہ جمعے کے روز لیفٹیننٹ جنرل ولادیمیر الیکسییف کو ان کی رہائش گاہ کے باہر پیچھے سے تین گولیاں ماری گئیں، جس کے بعد انہیں فوری طور پر اسپتال منتقل کیا گیا۔
یہ بھی پڑھیں:ماسکو : سینیئر روسی جنرل کار بم دھماکے میں ہلاک
ایف ایس بی نے مزید بتایا کہ اس حملے میں مبینہ طور پر ایک اور روسی شہری وکٹر واسن، عمر 66 سال، بھی شامل تھا جسے ماسکو سے گرفتار کر لیا گیا ہے، جبکہ زینائدا سیریبریانسکایا نامی خاتون کے بارے میں دعویٰ کیا گیا ہے کہ وہ یوکرین فرار ہو چکی ہے۔
کریملن کے ترجمان کے مطابق روسی صدر ولادیمیر پیوٹن نے اس معاملے پر یو اے ای کے صدر محمد بن زاید النہیان سے فون پر رابطہ کیا اور گرفتاری میں تعاون پر شکریہ ادا کیا۔ ادھر روسی وزیر خارجہ سرگئی لاوروف نے اس حملے کو دہشت گردی قرار دیا، جبکہ یوکرین نے ان الزامات کی تردید کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیوٹن دبئی روس محمد بن زاید النہیان
ذریعہ
ذریعہ: WE News
کلیدی لفظ: پیوٹن محمد بن زاید النہیان
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی