مذاکرات کامیاب، ٹی 20 ورلڈکپ سے متعلق بڑا فیصلہ متوقع
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لاہور میں انٹرنیشنل کرکٹ کونسل، پاکستان کرکٹ بورڈ اور بنگلادیش کرکٹ بورڈ کے درمیان ٹی ٹوئنٹی ورلڈکپ میں پاکستان اور بھارت کے میچ کے بائیکاٹ سے متعلق ہونے والے مذاکرات ختم ہو گئے ہیں، جس کے بعد آئندہ 24 گھنٹوں میں اہم پیش رفت کا امکان ظاہر کیا جا رہا ہے۔
آئی سی سی کی جانب سے پاکستان کو بھارت کے خلاف میچ کھیلنے پر آمادہ کرنے کی کوششیں تاحال جاری ہیں۔
ذرائع کے مطابق لاہور میں آئی سی سی کے ڈپٹی چیئرمین عمران خواجہ اور چیئرمین پی سی بی محسن نقوی کے درمیان طویل ملاقات ہوئی، جس میں بنگلادیش کرکٹ بورڈ کے صدر امین الاسلام بھی شریک تھے۔ یہ مذاکرات پانچ گھنٹے سے زائد جاری رہے جن میں پاکستان کرکٹ بورڈ نے ثالث کا کردار ادا کیا۔
ذرائع کا کہنا ہے کہ مذاکرات کے دوران چیئرمین پی سی بی محسن نقوی کی توجہ بنگلادیش کے ساتھ ہونے والی زیادتی کے ازالے پر مرکوز رہی۔ اس موقع پر آئی سی سی اور بنگلادیش کرکٹ بورڈ کے درمیان مختلف تجاویز پر تبادلہ خیال کیا گیا اور پاکستان نے دونوں فریقین کے درمیان رابطہ کاری کی ذمہ داری نبھائی۔
ذرائع کے مطابق آئی سی سی نے بنگلادیش کرکٹ بورڈ کے تحفظات اور مطالبات پر مثبت ردعمل دیا ہے اور بنگلادیش کے ساتھ ہونے والی زیادتی کے ازالے کے لیے ایک فارمولہ بھی تیار کر لیا گیا ہے۔ اسی سلسلے میں آئی سی سی کے ڈپٹی چیئرمین عمران خواجہ حتمی منظوری حاصل کرنے کے لیے واپس روانہ ہو گئے ہیں۔
بنگلادیش کرکٹ بورڈ کے صدر امین الاسلام بھی اپنی حکومت کو مذاکرات کی تفصیلات سے آگاہ کرنے کے لیے وطن واپس روانہ ہو گئے ہیں۔ ذرائع کا کہنا ہے کہ باہمی فارمولے پر اصولی اتفاق کے بعد آج دوپہر آئی سی سی اور بی سی بی کے درمیان دوبارہ رابطہ متوقع ہے۔
اس سے قبل ذرائع نے بتایا تھا کہ چیئرمین پی سی بی محسن نقوی نے آئی سی سی کو واضح موقف دیا ہے کہ بھارت کے خلاف میچ کھیلنے یا نہ کھیلنے کا فیصلہ حکومتِ پاکستان کرے گی، اور اس معاملے میں پی سی بی حکومتی فیصلے کا پابند ہوگا۔
پس منظر کے طور پر بتایا جا رہا ہے کہ پاکستان نے بنگلادیش سے اظہارِ یکجہتی کے طور پر ورلڈکپ میں بھارت کے خلاف میچ نہ کھیلنے کا اعلان کیا تھا۔ بنگلادیش نے بھارت میں سکیورٹی خدشات کے باعث اپنے میچز سری لنکا منتقل کرنے کی درخواست کی تھی جسے آئی سی سی نے مسترد کر دیا تھا، بعد ازاں بنگلادیش کی جگہ اسکاٹ لینڈ کو ایونٹ میں شامل کیا گیا۔
جوابی اقدام کے طور پر پاکستان نے 15 فروری کو شیڈول بھارت کے خلاف ٹی ٹوئنٹی ورلڈکپ میچ کھیلنے سے انکار کر دیا تھا۔ ذرائع کے مطابق اگر پاکستان اور بھارت کے درمیان یہ میچ نہ ہوا تو آئی سی سی کو بھاری مالی نقصان کا سامنا کرنا پڑ سکتا ہے۔
.
ذریعہ
ذریعہ: Jasarat News
کلیدی لفظ: بنگلادیش کرکٹ بورڈ کے بھارت کے خلاف کے درمیان پی سی بی
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے