سعودی عرب میں ابھرتی معیشتوں کی العلا کانفرنس 2026 کا آغاز، عالمی اقتصادی چیلنجز پر غور
اشاعت کی تاریخ: 9th, February 2026 GMT
ابھرتی ہوئی منڈیوں کی معیشتوں سے متعلق ’العلاء کانفرنس 2026‘ کے دوسرے ایڈیشن کا آج سعودی عرب کے گورنریٹ العلاء میں آغاز ہو گیا۔ یہ کانفرنس وزارتِ خزانہ سعودی عرب اور عالمی مالیاتی فنڈ (آئی ایم ایف) کے اشتراک سے منعقد کی جا رہی ہے۔
کانفرنس میں سعودی وزیر خزانہ محمد الجدعان، آئی ایم ایف کی منیجنگ ڈائریکٹر کرسٹالینا جارجیوا، مختلف ممالک کے وزرائے خزانہ، مرکزی بینکوں کے گورنرز، بین الاقوامی مالیاتی اداروں کے سربراہان اور عالمی ماہرینِ معیشت شریک ہیں۔
یہ بھی پڑھیے: شام کی معیشت کی بحالی: سعودی عرب کا بڑے پیمانے پر سرمایہ کاری کا اعلان
2 روزہ کانفرنس کا عنوان ’بین الاقوامی تجارتی اور مالیاتی نظام کی ازسرِ نو تشکیل کے دوران پالیسی اقدامات‘ رکھا گیا ہے۔ اس میں عالمی معیشت میں تیزی سے رونما ہونے والی تبدیلیوں اور ان کے نتیجے میں ابھرتی معیشتوں کو درپیش چیلنجز اور مواقع کا جائزہ لیا جا رہا ہے، خصوصاً بین الاقوامی تجارت، مالیاتی و مانیٹری نظام اور میکرو اکنامک پالیسی کے تناظر میں۔
شرکا نے بڑھتے ہوئے اقتصادی چیلنجز، عالمی تقسیم اور غیر یقینی صورتحال کے پیش نظر کثیرالجہتی بین الاقوامی تعاون کو فروغ دینے کی اہمیت پر زور دیا۔ مقررین کا کہنا تھا کہ ابھرتی اور ترقی پذیر معیشتوں کی معاونت کے لیے بین الاقوامی شراکت داری پہلے سے کہیں زیادہ ضروری ہو چکی ہے۔
یہ بھی پڑھیے: سعودی اعلیٰ سطحی وفد کا دورہ پاکستان ملکی معیشت کے لیے اہم کیوں ہے؟
کانفرنس میں اس بات پر بھی زور دیا گیا کہ ان اجلاسوں کا مقصد اقتصادی پالیسیوں سے متعلق عملی تجربات کا تبادلہ اور ایسے قابلِ عمل حل پر توجہ دینا ہے جو عوامی مفاد میں ہوں اور عالمی معیشت میں تیزی سے آنے والی تبدیلیوں کے مقابلے میں ابھرتی معیشتوں کے اجتماعی و انفرادی ردعمل کی تشکیل میں مددگار ثابت ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: بین الاقوامی
پڑھیں:
پاکستان میں سریے کی قیمت آج 23 جولائی 2026، تازہ ریٹس جاری
اسلام آباد: پاکستان میں سریے کی قیمت جمعرات 23 جولائی 2026 کو مجموعی طور پر مستحکم رہی، تاہم مختلف برانڈز اور گریڈز کے لحاظ سے معمولی فرق دیکھا گیا۔ تعمیراتی شعبے سے وابستہ افراد کے لیے جاری کردہ تازہ مارکیٹ اپ ڈیٹ کے مطابق ملک بھر میں سریے کی قیمت 258 روپے سے 265 روپے فی کلوگرام کے درمیان برقرار ہے۔
تعمیراتی ماہرین کے مطابق رہائشی اور کمرشل منصوبوں میں سب سے زیادہ گریڈ 40 اور گریڈ 60 سریا استعمال کیا جاتا ہے، کیونکہ یہ مضبوطی اور معیار کے لحاظ سے موزوں تصور کیے جاتے ہیں۔
پاکستان میں سریے کے تازہ ریٹس
سریے کا گریڈ قیمت (روپے فی کلوگرام)
گریڈ 40 260 روپے
گریڈ 60 265 روپے
مارکیٹ ریٹ 258 سے 265 روپے
ماہرین کا کہنا ہے کہ پاکستان میں سریے کی قیمتوں میں اتار چڑھاؤ کئی عوامل سے متاثر ہوتا ہے، جن میں خام مال کی قیمت، بجلی اور گیس کے نرخ، ٹرانسپورٹ کے اخراجات اور تعمیراتی شعبے کی مجموعی طلب شامل ہیں۔
انہوں نے خریداروں اور بلڈرز کو مشورہ دیا ہے کہ بڑی مقدار میں سریا خریدنے سے قبل مقامی ڈیلرز سے تازہ نرخ ضرور معلوم کریں، کیونکہ مختلف شہروں، برانڈز اور مینوفیکچررز کے لحاظ سے قیمتوں میں معمولی فرق ہو سکتا ہے۔
تعمیراتی صنعت سے وابستہ ماہرین کے مطابق اگر خام مال یا توانائی کی قیمتوں میں نمایاں تبدیلی آتی ہے تو آئندہ دنوں میں پاکستان میں سریے کی قیمت بھی متاثر ہو سکتی ہے، اس لیے مارکیٹ کی صورتحال پر نظر رکھنا ضروری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار