بسنت: 3 روز میں 20 لاکھ 68 ہزار سے زائد مسافروں کو مفت سفر کی سہولت دی گئی
اشاعت کی تاریخ: 9th, February 2026 GMT
بلال اکبر خان---فائل فوٹوز
وزیرِ ٹرانسپورٹ اینڈ ماس ٹرانزٹ بلال اکبر خان نے کہا ہے کہ بسنت کے 3 روز میں 20 لاکھ 68 ہزار سے زائد مسافروں کو مفت سفر کی سہولت دی گئی۔
ایک بیان میں انہوں نے بتایا ہے کہ اورنج لائن میٹرو ٹرین سے 3 دن میں 9 لاکھ سے زائد مسافروں نے مفت سفر کیا۔
وزیرِ ٹرانسپورٹ کا کہنا ہے کہ میٹرو بس سروس کے ذریعے 4 لاکھ سے زائد مسافر مستفید ہوئے، اسپیڈو سے 5 لاکھ 30 ہزار اور الیکٹرک بسوں سے 43 ہزار سے زائد مسافروں نے مفت سفر کیا۔
امریکی سفیر، قونصل جنرل اور انڈر سیکریٹری نے پتنگ بازی میں حصہ لیا
دوسری جانب سی سی پی او لاہور بلال صدیق کمیانہ نے بیان میں کہا ہے کہ بسنت فیسٹیول کے اختتام پر پتنگ بازی پر مکمل پابندی برقرار ہے، کائٹ فلائنگ ایکٹ کی خلاف ورزی پر بلا امتیاز کارروائی ہو گی۔
انہوں نے کہا کہ دکاندار پتنگ اور ڈور کی خرید و فروخت سے گریز کریں، پتنگ و ڈور کی ترسیل جرم تصور ہو گی، غیر قانونی پتنگ بازی جان لیوا ثابت ہو سکتی ہے۔
.
ذریعہ
ذریعہ: Jang News
کلیدی لفظ: سے زائد مسافروں مفت سفر کی
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار