چمن، ہڑتال کے دوران شہری پر تشدد کرنیوالے پولیس کیخلاف کارروائی کا حکم
اشاعت کی تاریخ: 9th, February 2026 GMT
اپنے بیان میں وزیراعلیٰ سرفراز بگٹی نے کہا کہ قانون کی خلاف ورزی ناقابل برداشت ہے، تاہم پولیس کا ایسا غیر انسانی رویہ بھی کسی صورت قبول نہیں ہے۔ اسلام ٹائمز۔ وزیراعلیٰ بلوچستان سرفراز بگٹی نے گزشتہ روز ہڑتال کے دوران مظاہرین پر تشدد کرنے والے پولیس اہلکاروں کے خلاف کارروائی کا حکم دیتے ہوئے کہا کہ پولیس کی جانب سے شہری کیساتھ غیر انسانی رویہ ناقابل برداشت ہے۔ اپنے جاری بیان میں وزیراعلیٰ نے کہا کہ ہڑتال کے دوران گرفتار شہری پر پولیس اہلکار کے تشدد کے واقعے کا نوٹس لے لیا گیا ہے۔ پولیس اہلکار کی جانب سے شہری کو تھپڑ مارنے پر وزیراعلیٰ بلوچستان نے شدید ناپسندیدگی کا اظہار کرتے ہوئے کہا کہ قانون کی خلاف ورزی ناقابل برداشت ہے، تاہم پولیس کا ایسا غیر انسانی رویہ بھی کسی صورت قبول نہیں ہے۔ پولیس اہلکاروں کو قانون کے دائرے میں رہ کر فرائض انجام دینے کا پابند ہونا چاہئے۔ ہر شہری کی عزتِ نفس کا تحفظ پولیس کی بنیادی تربیت اور ذمہ داری کا حصہ ہے۔ سرفراز بگٹی نے حکم دیا کہ واقعے میں ملوث اہلکار کے خلاف شفاف اور فوری قانونی کارروائی عمل میں لائی جائے۔ حکومت قانون کی بالادستی اور شہریوں کے بنیادی حقوق کے تحفظ کے لئے پرعزم ہے۔
.
ذریعہ
ذریعہ: Islam Times
کلیدی لفظ: کہا کہ
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے