پشاور، سانحہ جامع مسجد و امام بارگاہ خدیجتہ الکبریٰ کیخلاف احتجاج
اشاعت کی تاریخ: 9th, February 2026 GMT
احتجاجی مظاہرے میں میڈیا سے گفتگو کرتے ہوئے مختلف عمائدین نے یہی مطالبہ کیا کہ کل کے سانحہ میں ملوث تمام افراد و ملزمان کے خلاف فوری کاروائی کرکے کیفر کردار تک پہنچایا جائے۔ اسلام ٹائمز۔ سانحہ جامع مسجد و امام بارگاہ خدیجتہ الکبریٰ ترلائی اسلام آباد کیخلاف امامیہ اسٹوڈنٹس آرگنائزیشن پاکستان خیبر پختونخوا ریجن کے زیر اہتمام پریس کلب پشاور کے سامنے احتجاجی مظاہرے و ریلی کا انعقاد کیا گیا۔ جس میں ریجنل صدر حاجت حسین، جامعہ الشہید کے مدرس علامہ سید جمیل حسن، علامہ عالم شاہ، علامہ ذکی الحسن و اخونزادہ مظفر علی نے شرکاء مظاہرے سے خطاب کیا۔ احتجاجی مظاہرے میں میڈیا سے گفتگو کرتے ہوئے مختلف عمائدین نے یہی مطالبہ کیا کہ کل کے سانحہ میں ملوث تمام افراد و ملزمان کے خلاف فوری کاروائی کرکے کیفر کردار تک پہنچایا جائے۔ آخر میں پشاور پریس کلب سے گورنر ہاؤس تک احتجاجی ریلی نکالی گئی جس میں کثیر تعداد میں مظاہرین نے شرکت کی، ریلی کا اختتام گورنر ہاؤس کے سامنے دعائے امام زمانہ عج سے کیا گیا۔
.
ذریعہ
ذریعہ: Islam Times
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار