نگران وزیر اطلاعات گلگت بلتستان غلام عباس کا خصوصی انٹرویو
اشاعت کی تاریخ: 10th, February 2026 GMT
اپنے انٹرویو میں نگران وزیر اطلاعات گلگت بلتستان کا کہنا تھا کہ وفاقی حکومت نے جی بی کے بارے میں تحریری مطالبات مانگے ہیں، جس پر حکومت کام کر رہی ہے اور جلد یہ مطالبات وفاق کے سامنے رکھے جائیں گے۔ متعلقہ فائیلیںغلام عباس گلگت بلتستان کے نگران وزیر اطلاعات و انفارمیشن ٹیکنالوجی ہیں۔ انکا تعلق سکردو سے ہے۔ کراچی یونیورسٹی سے بین الاقوامی تعلقات میں ماسٹر کی ڈگری حاصل کر رکھی ہے اور گذشتہ ایک دہائی سے زائد کا عرصہ تک صحافت کے شعبے سے منسلک رہے اور ملک کے معروف انگریزی روزناموں میں خدمات انجام دیں۔ حال ہی میں جی بی حکومت کی مدت ختم ہونے کے بعد انہیں نگران کابینہ میں شامل کیا گیا۔ انکے پاس وزارت اطلاعات و انفارمیشن ٹیکنالوجی کا قمدان ہے۔ اسلام ٹائمز نے گلگت بلتستان کے عام انتخابات، نگران کابینہ کا پہلے اجلاس سمیت دیگر امور پر انکا انٹرویو کیا ہے۔ اپنے انٹرویو میں غلام عباس کا کہنا تھا کہ گلگت بلتستان کے عام انتخابات کے بارے میں ابھی کوئی واضح تاریخ نہیں دی جا سکتی، کیونکہ صوبائی الیکشن کمیشن نے اس حوالے سے کوئی اعلان نہیں کیا۔ انکا کہنا تھا کہ انفارمیشن ٹیکنالوجی کے شعبے میں اہم پیشرفت ہو رہی ہے اور گلگت بلتستان کو یونیورسل سروس فنڈ (یو ایس ایف) سے 800 ملین روپے ملنے کی امید پیدا ہوگئی ہے، جسکے بعد خطے میں مواصلات اور انٹرنیٹ کا نظام بہتر ہو جائیگا۔ ان کا مزید کہنا تھا کہ وفاقی حکومت نے جی بی کے بارے میں تحریری مطالبات مانگے ہیں، جس پر حکومت کام کر رہی ہے اور جلد یہ مطالبات وفاق کے سامنے رکھے جائیں گے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: گلگت بلتستان کہنا تھا کہ ہے اور
پڑھیں:
کالم نگار کو بیوروکریسی کے بارے میں مبینہ ریمارکس پر نوٹس صرف مؤقف حاصل کرنے کے لیے جاری کیا گیا تھا، اس پر کوئی ایف آئی آر درج نہیں کی گئی، سینیٹ کی قائمہ کمیٹی برائے اطلاعات و نشریات کے اجلاس میں این سی سی آئی کی بریفنگ
اسلام آباد (ڈیلی پاکستان آن لائن)سینیٹر سرمد علی کی قائم مقام صدارت میں پی ٹی وی ہیڈ کوارٹر اسلام آباد میں سینیٹ کی قائمہ کمیٹی برائے اطلاعات و نشریات کا اجلاس منعقد ہوا جس میں این سی سی آئی اے کی جانب سے سوشل میڈیا کے اعداد و شمار اور میٹا کی جانب سے قابلِ اعتراض مواد ہٹانے کے حوالے سے بریفنگ دی گئی۔ این سی سی آئی اے نے واضح کیا کہ اس سے قبل کمیٹی کو جو اعداد و شمار فراہم کیے گئے تھے، وہ میٹا کے عوامی سطح پر دستیاب ڈیٹا پر مبنی تھے۔ کمیٹی نے اس وضاحت کو قبول کیا اور تصدیق شدہ حقائق کی بنیاد پر ذمہ دارانہ رپورٹنگ کی ضرورت پر زور دیا۔
کمیٹی نے بیوروکریسی کے بارے میں مبینہ متنازعہ ریمارکس پر ایک اخبار کے کالم نگار کو نوٹس جاری کرنے کے معاملے کا بھی جائزہ لیا۔ این سی سی آئی اے نے کمیٹی کو بتایا کہ یہ نوٹس پاس (PAS) افسران ایسوسی ایشن کے صدر کی طرف سے درج کرائی گئی شکایات کے بعد صرف کالم نگار کا مؤقف حاصل کرنے کے لیے جاری کیا گیا تھا۔ مزید آگاہ کیا گیا کہ پیکا کے تحت کوئی ایف آئی آر درج نہیں کی گئی، کالم نگار نے تاحال نوٹس کا جواب نہیں دیا، اور یہ مضمون اخبار کے ای پیپر سے ہٹا دیا گیا ہے، اگرچہ یہ کالم نگار کے فیس بک پیج پر اب بھی دستیاب ہے۔
سینیٹ کی قائمہ کمیٹی برائے اطلاعات و نشریات کا اجلاس،فلم "بلھا" پر پابندی یا نام تبدیلی کی سفارش، صحافیوں کے ہاؤسنگ کوٹے اور پیکا کیسز پر اہم فیصلے
بحث کے دوران اراکین نے پارلیمنٹ میں دی گئی حکومت کی اس یقین دہانی کو دہرایا کہ پیکا کا استعمال اخبارات اور ٹیلی ویژن کی ویب سائٹس یا ڈیجیٹل پلیٹ فارمز کے خلاف نہیں کیا جائے گا کیونکہ ان کے منظم کردہ مواد کو بالترتیب پریس کونسل اور پیمرا کنٹرول کرتے ہیں۔ سینیٹر پرویز رشید نے اس بات پر زور دیا کہ حقائق واضح کرنے کے لیے کالم نگار کو نوٹس کا جواب دینے کا کہا جائے۔ کمیٹی نے متفقہ طور پر مشاہدہ کیا کہ ہر فرد کی عزت اور تقدس کا احترام کیا جانا چاہیے۔ مشاورت کے بعد، قائم مقام چیئرمین نے این سی سی آئی اے کو ہدایت کی کہ وہ شکایت اور شکایات کنندہ دونوں کو پریس کونسل آف پاکستان کے پاس بھیجیں، جو کہ شائع شدہ کالم کا جائزہ لینے اور اس معاملے پر فیصلہ کرنے والا مناسب فورم ہے۔
کمیٹی نے صوبائی حکام سے پیکا کے مقدمات کی این سی سی آئی اے کو منتقلی کا بھی جائزہ لیا۔ سینیٹر وقار مہدی کے سوال پر این سی سی آئی اے کے حکام نے کمیٹی کو بتایا کہ سندھ سے اب تک صرف نو مقدمات منتقل کیے گئے ہیں، جبکہ دیگر صوبوں میں مقدمات کی منتقلی کا عمل ابھی باقی ہے۔ تفصیلی غوروخوض کے بعد، سینیٹر سرمد علی نے ہدایت کی کہ تمام متعلقہ صوبائی حکام کو خطوط بھیجے جائیں تاکہ عمل درآمد کے لیے سینیٹ کی ذیلی کمیٹی برائے اطلاعات و نشریات کی سفارشات اور رپورٹ کے ساتھ زیر التوا مقدمات کی منتقلی کو تیز کیا جا سکے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا