پاکستان میں جاپان کے سفیر کی میزبانی میں جاپان پاکستان بزنس سیمینار 2026 منعقد
اشاعت کی تاریخ: 10th, February 2026 GMT
پاکستان میں جاپان کے سفیر کی میزبانی میں جاپان پاکستان بزنس سیمینار 2026 منعقد WhatsAppFacebookTwitter 0 10 February, 2026 سب نیوز
اسلام آباد(سب نیوز )پاکستان میں جاپان کے سفیر اکاماتسو شوئیچی نے اسلام آباد کے سیرینا ہوٹل میں جاپانپاکستان بزنس سیمینار 2026 کی میزبانی کی۔ اس تقریب میں تقریبا 100 افراد نے شرکت کی، جن میں ہارون اختر خان، وزیرِ اعظم کے معاونِ خصوصی برائے صنعت و پیداوار، پاکستانی حکومت کے عہدیداران، کاروباری نمائندگان، متعلقہ ادارے اور جامعات، پاکستان میں جاپان چیمبر آف کامرس اینڈ انڈسٹری کے اراکین سمیت جاپانی کمپنیاں، جاپان انٹرنیشنل کوآپریشن ایجنسی (JICA) اور جاپان ایکسٹرنل ٹریڈ آرگنائزیشن (JETRO) شامل تھے۔ اجلاس میں ہونے والی مفید گفتگو سے جاپان اور پاکستان کے درمیان مستقبل کے کاروباری مواقع کے فروغ کی توقع کی جا رہی ہے۔
سفیر اکاماتسو نے اپنے خطاب میں کہاجاپانی آٹو موٹیو کمپنیوں نے پاکستان میں 100,000 سے زائد روزگار کے مواقع پیدا کیے ہیں اور آٹو موٹیو پرزہ جات کو مقامی سطح پر تیار کرنے کے لیے اندرونِ ملک سپلائی چین قائم کی ہے۔ تمام کمپنیوں میں پرزہ جات کی لوکلائزیشن کی شرح 60 فیصد سے کہیں زیادہ ہے۔ مزید برآں، یہ کمپنیاں صنعتی ترقی کو آگے بڑھانے اور ماحول پر منفی اثرات کو کم کرنے کے لیے نئی ٹیکنالوجیز میں مسلسل سرمایہ کاری کر رہی ہیں۔ درحقیقت دنیا میں وہ ممالک محدود ہیں جو آٹوموبائل تیار کرنے کی صلاحیت رکھتے ہیں۔ پاکستان کی معیشت میں ان کا کردار نمایاں ہے اور آئندہ بھی اہم رہے گا۔
تقریب میں معزز شخصیات کی شرکت دیکھی گئی، جن میں مہمانِ خصوصی کی حیثیت سے عزت مآب جناب ہارون اختر خان، وزیرِ اعظم کے معاونِ خصوصی برائے صنعت و پیداوار، اور جاپان و پاکستان کی ممتاز تنظیموں کے نمائندگان شامل تھے۔ جناب ہارون اختر خان نے اب تک پاکستان کی معیشت میں جاپان کی خدمات پر شکریہ ادا کیا اور دوطرفہ تعلقات کے مزید استحکام کی امید کا اظہار کیا۔
سیشن 1 میں دونوں ممالک کے پینلسٹس نے جاپان کی اب تک کی معاشی ترقی کے پسِ پردہ عوامل اور دونوں ملکوں کے درمیان کاروباری تعلقات کی تاریخ پر گفتگو کی۔ ایک پینلسٹ نے اس بات کی نشاندہی کی کہ جاپان میں فوری منافع کے حصول کے بجائے افراد کی تعلیم و تربیت میں سرمایہ کاری کو ترجیح دی جاتی ہے، جس سے مستقبل میں نمایاں فوائد حاصل ہوتے ہیں۔ اس سیشن میں جاپان کے تجربات سے سیکھتے ہوئے پاکستان کی ترقی کے لیے ممکنہ راستوں پر بھرپور بحث ہوئی۔
سیشن 2 میں پاکستان میں سرمایہ کاری کرنے والی اور کاروبار جاری رکھنے والی جاپانی آٹو موٹیو کمپنیوں کے ساتھ ساتھ پاکستانی آٹو موٹیو پرزہ جات فراہم کرنے والے اداروں نے بطور مقرر شرکت کی۔ جاپانی کمپنیوں کے نمائندگان نے اعلی معیار اور پائیدار مصنوعات کی مستحکم بڑے پیمانے پر پیداوار کے حصول کی کنجیوں پر روشنی ڈالی، جن میں کائزن (Kaizen)، 5S اور ملازمین کی تربیت شامل ہیں۔ مزید برآں، اس بات پر بھی بھرپور گفتگو ہوئی کہ جاپانی آٹو موٹیو کمپنیاں پاکستان میں صرف گاڑیوں کی فروخت تک محدود نہیں رہیں بلکہ پاکستانی آٹو موٹیو انڈسٹری کے سپلائرز کی ترقی میں بھی طویل عرصے سے کردار ادا کر رہی ہیں۔ اس کے علاوہ مستقبل میں ہائبرڈ گاڑیوں کے فروغ، پیٹرول کے استعمال میں کمی کے لیے بایو گیس ایندھن کی پیداوار میں سرمایہ کاری، اور حفاظتی معیار میں مزید بہتری کے اہداف پر بھی تبادلہ خیال کیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسینٹ قائمہ کمیٹی سے کتابوں پر پلاسٹک کور کی ممانعت کا بل سینیٹ سے منظور کر لیا گیا سینٹ قائمہ کمیٹی سے کتابوں پر پلاسٹک کور کی ممانعت کا بل سینیٹ سے منظور کر لیا گیا چیف آفیسرایم سی آئی ڈاکٹر انعم فاطمہ کا یونین کونسل لوئی بیر بازار کا دورہ،صفائی، پارکنگ اور عوامی سہولیات کا جائزہ بیرون ملک مقیم پاکستانیوں کی جانب سے جنوری میں ترسیلاتِ زر کی مد میں 3.5 ارب ڈالر موصول ٹرمپ سے ایفائے عہد؛ انڈونیشیا کی 8 ہزار فوجی اہلکاروں کو غزہ بھیجنے کی تیاری سپریم کورٹ کے حکم پر فرینڈ آف دی کورٹ سلمان صفدر کی عمران خان سے طویل ملاقات وزیراعلی مریم نواز کا بلوچستان میں سیکیورٹی فورسز کی معاونت کیلیے 10 ارب روپے دینے کا اعلان
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: پاکستان میں جاپان میں جاپان کے
پڑھیں:
اسلام آباد میں گلاسگو 2026 دولتِ مشترکہ کھیلوں کی افتتاحی تقریب
برطانوی ہائی کمیشن نے گلاسگو 2026 دولتِ مشترکہ کھیلوں کے آغاز کی مناسبت سے اسلام آباد میں ایک خصوصی استقبالیہ تقریب کا انعقاد کیا، جس میں کھیل، حکومت، سول سوسائٹی، میڈیا اور دولتِ مشترکہ کے سابق اسکالرز سمیت مختلف شعبہ ہائے زندگی سے تعلق رکھنے والی شخصیات نے شرکت کی۔
گلاسگو میں 23 جولائی سے 2 اگست 2026 تک منعقد ہونے والے دولتِ مشترکہ کھیلوں میں 74 رکن ممالک اور خطوں کے تقریباً 3 ہزار کھلاڑی حصہ لے رہے ہیں۔ مقابلوں میں 10 مختلف کھیل شامل ہیں، جن میں 6 پیرا اسپورٹس بھی شامل ہیں۔
یہ بھی پڑھیں:دولت مشترکہ میں خدمات سرانجام دینے والی بلی کو نئی ذمہ داریاں مل گئیں
تقریب سے خطاب کرتے ہوئے پاکستان میں برطانوی ہائی کمشنر جین میریٹ نے کہا کہ دولتِ مشترکہ کھیل صرف تمغے جیتنے کا مقابلہ نہیں بلکہ یہ مختلف قوموں کو قریب لانے، صلاحیتوں کو اجاگر کرنے اور کھیلوں کے ذریعے معاشروں کو متحد کرنے کا ذریعہ ہیں۔ انہوں نے کہا کہ پاکستان کی کھیلوں کی تاریخ شاندار رہی ہے اور پاکستانی کھلاڑی آج بھی نوجوان نسل کے لیے باعثِ تحریک ہیں۔ انہوں نے برطانیہ، پاکستان اور دولتِ مشترکہ کے درمیان مضبوط تعلقات پر بھی اطمینان کا اظہار کیا۔
تقریب میں دولتِ مشترکہ اسکالرشپس اور فیلوشپس پروگرام کو بھی اجاگر کیا گیا، جس کے ذریعے گزشتہ 60 برس سے مختلف رکن ممالک کے طلبہ کو اعلیٰ تعلیم اور پیشہ ورانہ مہارت کے مواقع فراہم کیے جا رہے ہیں۔
استقبالیے سے قبل برطانوی ہائی کمیشن نے پاکستان سے تعلق رکھنے والے ان نوجوان رہنماؤں کو بھی اعزازات سے نوازا، جنہیں “ملکہ الزبتھ دوم کامن ویلتھ ٹرسٹ 100 ینگ لیڈرز ایوارڈز” کے لیے منتخب کیا گیا تھا۔
اعزاز حاصل کرنے والوں میں پاک جی پی ٹی کی شریک بانی فرح گل رہوجہ شامل ہیں، جو مصنوعی ذہانت کے ذریعے تعلیم، صحت اور موسمیاتی تبدیلی سے متاثرہ محروم طبقات کی مدد کر رہی ہیں۔ امید فاؤنڈیشن کے بانی حسن اشرف کو محنت کش بچوں اور پسماندہ طبقات کے لیے مفت تعلیم کے فروغ پر سراہا گیا، جبکہ گرلز یونائیٹڈ فار ہیومن رائٹس کی بانی ہادیقہ بشیر کو کم عمری کی شادی کے خاتمے، صنفی تشدد کے خلاف جدوجہد اور بچیوں کی تعلیم کے فروغ پر اعزاز دیا گیا۔ اسی طرح آئی ایس وائی ڈی کے بانی جوشوا دلاور کو نوجوانوں کی شمولیت، صحت میں مساوات، صنفی برابری اور سماعت سے محروم نوجوانوں کی تربیت کے شعبے میں خدمات پر ایوارڈ سے نوازا گیا۔
برطانوی ہائی کمیشن کے مطابق گلاسگو 2026، برطانیہ کی جانب سے 2014 میں گلاسگو اور 2022 میں برمنگھم میں کامیاب دولتِ مشترکہ کھیلوں کے انعقاد کی روایت کو آگے بڑھا رہا ہے، جبکہ اس تقریب کا مقصد کھیل، تعلیم اور نوجوان قیادت کے ذریعے دولتِ مشترکہ ممالک کے درمیان دوستی اور تعاون کو مزید مضبوط بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد برٹش ہائی کمیشن پاکستان دولت مشترکہ
بھارت سے جنگ اور افغانستان میں کارروائی خارج ازامکان نہیں، وزیردفاع