اسلام آباد: جاپان کے قومی دن اور شہنشاہ کی سالگرہ کی تقریب، صدر مملکت کی شرکت
اشاعت کی تاریخ: 10th, February 2026 GMT
فائل فوٹو۔
جاپان کے قومی دن اور شہنشاہ جاپان کی 66ویں سالگرہ کی تقریب اسلام آباد میں منعقد ہوئی، جس میں صدر مملکت آصف زرداری نے بھی شرکت کی۔
اس موقع پر خطاب کرتے ہوئے صدر آصف زرداری نے کہا کہ جاپان ہر مشکل وقت میں پاکستان کے ساتھ کھڑا رہا، آفات میں مدد پر جاپان کی حکومت اور عوام کے مشکور ہیں۔
انھوں نے کہا کہ پاکستان میں 80 سے زائد جاپانی کمپنیاں کام کر رہی ہیں، جاپانی کمپنیوں کی موجودگی پاکستان پر اعتماد کی عکاسی کرتی ہے، پاکستان جاپان کی تحقیقی مہارت سے بھرپور فائدہ اٹھا سکتا ہے۔
صدر مملکت نے کہا کہ جاپان نے روایات اور جدت کو ایک ساتھ اپنایا، جاپانی عوام کے نظم وضبط اور وقار کو بہت اہمیت دی جاتی ہے، دہائیوں پر محیط سفارتی تعلقات وقت کے ساتھ مضبوط ہو رہے ہیں۔
صدر زرداری نے جاپان کے انتخابات میں شاندار کامیابی پر وزیراعظم سنائے تاکیشی کو مبارک باد دی۔ تقریب کے اختتام پر شہنشاہ جاپان کی سالگرہ کے حوالے سے کیک بھی کاٹا گیا۔
اس سے قبل جاپانی سفیر نے خطاب کرتے ہوئے کہا کہ عالمی امن کے لیے ہم خیال ملکوں کا متحد ہونا وقت کی ضرورت ہے، چیلنجز سے نمٹنے کے لیے پاکستان کے ساتھ مل کر کام کریں گے۔
انھوں نے کہا کہ اسلام آباد میں ہونے والا دہشت گرد حملہ قابل مذمت ہے۔ دہشت گردی کسی بھی صورت میں قابل قبول نہیں، حکومت جاپان پاکستان کے ساتھ کھڑی ہے۔
انکا مزید کہنا تھا کہ ، وزیراعلیٰ پنجاب کا دورہ جاپان تعلقات کو مزید مضبوط کرنے میں معاون ثابت ہوا، وزیر تجارت جام کمال اور ہارون اختر نے بھی جاپان کے کامیاب سرکاری دورے کیے، ایشین گیمز میں پاکستانی وفد کی کامیابی کے لیے دعاگو ہیں۔
جاپانی سفیر نے کہا کہ دونوں ملکوں کے تعلقات کے آغاز سے جاپان پاکستان کی ترقی میں کردار ادا کر رہا ہے،
.
ذریعہ
ذریعہ: Jang News
کلیدی لفظ: نے کہا کہ جاپان کی جاپان کے کے ساتھ
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار