حکومت پنجاب کی موٹر ٹرانسپورٹ پالیسی 2026 جاری
اشاعت کی تاریخ: 11th, February 2026 GMT
قیصر کھوکھر : حکومت پنجاب نے موٹر ٹرانسپورٹ پالیسی 2026 جاری کر دی ہے، کابینہ کی منظوری کے بعد نافذ العمل ہوگی اور صوبے کے تمام سرکاری محکموں پر لاگو ہوگی۔
نوٹیفیکیشن کے مطابق اب تمام الیکٹرک گاڑیوں کی خریداری محکمہ خزانہ کی منظوری کے بعد ہی ممکن ہوگی۔ اس کے علاوہ گریڈ سترہ سے اوپر کے تمام افسران کو سرکاری گاڑیاں فراہم کی جائیں گی۔
پالیسی جس کے تحت ہر افسر کو ماہانہ پچیس لیٹر اضافی پٹرول فراہم کیا جائے گا۔
کینیڈا: اسکول اور گھر میں فائرنگ، 10 افراد ہلاک
محکمہ ایس اینڈ جی اے ڈی نے پالیسی کا نوٹیفیکیشن جاری کر دیا ہے، جس کے بعد سرکاری محکمے اس کے مطابق عمل درآمد کریں گے۔
حکومت کا کہنا ہے کہ اس پالیسی کا مقصد محکموں میں ٹرانسپورٹ کے نظم و نسق کو بہتر بنانا اور افسران کی کارکردگی کے لیے ضروری سہولیات فراہم کرنا ہے۔
.
ذریعہ
ذریعہ: City 42
پڑھیں:
کراچی: ہل پارک سے متصل متنازع پلاٹ پر تعمیرات کے معاملے پر میئر کراچی نے وفاقی حکومت کو خط لکھ دیا
کراچی میں ہل پارک سے متصل متنازع پلاٹ پر تعمیرات کے معاملے پر میئر کراچی مرتضیٰ وہاب نے وفاقی حکومت کو خط لکھ دیا۔
میئر کراچی نے وفاقی وزارت ہاؤسنگ اینڈ ورکس سے پلاٹ نمبر 39-G-4 کا مکمل ریکارڈ طلب کرتے ہوئے کہا ہے کہ 1959 کے اصل منظور شدہ پی ای سی ایچ ایس ماسٹر پلان میں پلاٹ نمبر 39-G-4 موجود نہیں تھا۔
مرتضیٰ وہاب کے مطابق ابتدائی جانچ میں متنازع مقام پر پانچ سو گز کا پلاٹ اصل منظور شدہ لے آؤٹ میں ظاہر نہیں ہوتا، جبکہ اصل ماسٹر پلان کے مطابق مذکورہ مقام پر صرف تقریباً دو سو گز بقایا اراضی بنتی ہے۔
یئر کراچی نے سوال اٹھایا کہ پانچ سو گز کا پلاٹ کس قانونی بنیاد پر ظاہر کیا گیا، متعلقہ حکام اس کی وضاحت فراہم کریں۔
خط میں مطالبہ کیا گیا ہے کہ پلاٹ کے تمام ٹائٹل دستاویزات، الاٹمنٹ آرڈرز، لیز، میوٹیشن ریکارڈ، اصل اور نظرثانی شدہ لے آؤٹ پلانز سمیت تمام تبدیلیوں کی تفصیلات فراہم کی جائیں۔
میئر کراچی نے پلاٹ کی ملکیت، الاٹمنٹ ہسٹری، سروے تفصیلات، حدبندی کارروائی، ریگولرائزیشن، تبادلے، انضمام، سب ڈویژن یا ریکنسٹیٹیوشن سے متعلق تمام ریکارڈ بھی طلب کیا ہے۔
مرتضیٰ وہاب نے کہا کہ ہل پارک سے متصل اراضی عوامی زمین میں شامل تھی یا نہیں، اس کی وضاحت بھی کی جائے، جبکہ ہل پارک، اوپن اسپیس، امنیٹی یا سرکاری زمین پر تجاوزات سے متعلق تفصیلات بھی فراہم کی جائیں۔
میئر کراچی کا کہنا ہے کہ عوامی مفاد اور بلدیاتی اثاثوں کے تحفظ کے لیے متنازع پلاٹ کی جامع تحقیقات ضروری ہیں اور ہل پارک سے متصل زمین کے تمام قانونی اور ملکیتی ریکارڈ کی فوری تصدیق کی جانی چاہیے۔
مرتضیٰ وہاب نے مطالبہ کیا کہ متنازع پلاٹ سے متعلق تمام حقائق اور دستاویزی شواہد فوری فراہم کیے جائیں، جبکہ کے ایم سی بلدیاتی اثاثوں اور عوامی سہولتوں کے تحفظ کے لیے قانون کے مطابق کارروائی کا حق محفوظ رکھتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ