بنگلہ دیش میں 13ویں پارلیمانی انتخابات، 127 ملین سے زائد ووٹرز کل ووٹ کاسٹ کریں گے
اشاعت کی تاریخ: 11th, February 2026 GMT
بنگلہ دیش کے چیف الیکشن کمشنر اے ایم ایم ناصر الدین نے کہا ہے کہ الیکشن کمیشن آئندہ 13ویں قومی پارلیمانی انتخابات کو آزاد، منصفانہ، غیر جانبدار اور قابلِ اعتماد انداز میں منعقد کرانے کے لیے مکمل طور پر تیار ہے۔
ڈھاکہ میں بین الاقوامی مبصرین اور میڈیا نمائندگان کو بریفنگ دیتے ہوئے چیف الیکشن کمشنر نے کہا کہ بنگلہ دیش الیکشن کمیشن ووٹنگ اور ووٹوں کی گنتی کے تمام مراحل میں شفافیت برقرار رکھنے کے لیے پُرعزم ہے۔
یہ بھی پڑھیں: بنگلہ دیش میں عام انتخابات جمعرات کو، ملک میں 4 روزہ تعطیلات کا اعلان
انہوں نے زور دیا کہ کسی بھی قسم کے تنازع، الزام یا اختلاف کو قائم شدہ قانونی طریقہ کار کے تحت نمٹایا جائے گا اور ہر قسم کی انتخابی بے ضابطگی کی سخت نگرانی کی جائے گی۔
الیکشن کمیشن کے مطابق بنگلہ دیش کی پارلیمنٹ 350 ارکان پر مشتمل ہے، جن میں سے 300 ارکان براہِ راست منتخب ہوتے ہیں جبکہ 50 نشستیں خواتین کے لیے مخصوص ہیں جو جماعتوں کو متناسب نمائندگی کی بنیاد پر دی جاتی ہیں۔
پارلیمنٹ کی مدت 5 سال ہے، آئندہ انتخابات میں 299 حلقوں سے مجموعی طور پر 2 ہزار 28 امیدوار حصہ لے رہے ہیں۔
چیف الیکشن کمشنر نے ووٹر فہرست میں حالیہ ترامیم کا ذکر کرتے ہوئے بتایا کہ تقریباً 45 لاکھ نئے ووٹرز کا اندراج کیا گیا ہے، جن میں 27 لاکھ خواتین شامل ہیں۔
مزید پڑھیں: بنگلہ دیش عام انتخابات: فوج اور سیکیورٹی اداروں کی 14 روز کے لیے تعیناتی
اس طرح ملک میں رجسٹرڈ ووٹرز کی مجموعی تعداد 12 کروڑ 70 لاکھ سے تجاوز کر گئی ہے، حکام کے مطابق ووٹر ڈیٹا کی درستگی بہتر بنانے کے لیے جدید ٹیکنالوجی استعمال کی گئی ہے۔
پہلی بار بیرونِ ملک مقیم بنگلہ دیشی شہری آئی ٹی سے معاونت یافتہ پوسٹل بیلٹ سسٹم کے ذریعے ووٹ ڈال سکیں گے۔
The heads of international election observation missions to the 2026 #Bangladesh #Elections & Referendum met today, 11 February 2026, to discuss mission preparations and reflect on the pre-election environment and election preparations.
— ANFREL (@Anfrel) February 11, 2026
محدود تیاری کے وقت کے باوجود تقریباً 8 لاکھ اوورسیز ووٹرز نے رجسٹریشن کروا لی ہے، ملک کے اندر موجود اہل ووٹرز کے لیے بھی پوسٹل بیلٹ کی سہولت دستیاب ہوگی۔
ووٹنگ ایک ہی دن صبح ساڑھے 7 بجے سے شام ساڑھے 4 بجے تک جاری رہے گی، ووٹر ٹرن آؤٹ بڑھانے کے لیے حکومت نے عام تعطیل کا اعلان کیا ہے۔
پولنگ اور ووٹوں کی گنتی کی نگرانی الیکشن حکام پولنگ اسٹیشنز پر کریں گے اور نتائج کا اعلان موقع پر ہی کیا جائے گا، جس کے بعد ریٹرننگ افسران انہیں یکجا کریں گے۔
مزید پڑھیں: بنگلہ دیش انتخابات سے قبل سی آئی ڈی اور ٹک ٹاک کا تعاون بڑھانے پر اتفاق
الیکشن کمیشن کے مطابق شفافیت یقینی بنانے کے لیے ملکی اور غیر ملکی مبصرین اور صحافی موجود ہوں گے، 45 ممالک اور تنظیموں کے نمائندگان، جن میں یورپی یونین کا بڑا وفد بھی شامل ہے، انتخابات کی نگرانی کریں گے، جبکہ ملک بھر میں ہزاروں مقامی مبصرین اور صحافی بھی تعینات کیے جائیں گے۔
ناصر الدین نے مزید کہا کہ قانون نافذ کرنے والے اداروں اور حکومت کے تعاون سے جامع سیکیورٹی انتظامات کیے گئے ہیں۔
انہوں نے امید ظاہر کی کہ کسی بھی انتخابی تنازع کو آئین اور قانون کے مطابق حل کیا جائے گا اور کمیشن پُرامن اور بھرپور عوامی شرکت والے انتخابات کے انعقاد کے اپنے عزم پر قائم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ٹی الیکشن کمیشن اوورسیز بنگلہ دیش پارلیمانی انتخابات پوسٹل بیلٹ پولنگ اسٹیشنز ٹیکنالوجی ووٹرز یورپی یونین
ذریعہ
ذریعہ: WE News
کلیدی لفظ: آئی ٹی الیکشن کمیشن اوورسیز بنگلہ دیش پارلیمانی انتخابات پوسٹل بیلٹ پولنگ اسٹیشنز ٹیکنالوجی ووٹرز یورپی یونین الیکشن کمیشن بنگلہ دیش کے مطابق کریں گے کے لیے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار