ٹی ٹوینٹی ورلڈکپ: سری لنکا نے عمان کو 105 رنز سے شکست دے دی
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
آئی سی سی مینز ٹی20 ورلڈ کپ 2026 کے گروپ بی کے میچ میں سری لنکا نے شاندار بیٹنگ کے بعد عمدہ بولنگ کا مظاہرہ کرتے ہوئے اپنی دوسری کامیابی سمیٹ لی اور عمان کو یکطرفہ مقابلے کے بعد شکست دے دی، بڑے ہدف کے تعاقب میں عمان کی ٹیم 226 رنز کے جواب میں 120 رنز پر ڈھیر ہو گئی، یوں سری لنکن ٹیم نے میچ میں مکمل برتری ثابت کرتے ہوئے پوائنٹس ٹیبل پر اپنی پوزیشن مستحکم کر لی۔
میچ میں عمان نے ٹاس جیت کر پہلے فیلڈنگ کا فیصلہ کیا، تاہم یہ حکمت عملی ان کے لیے مہنگی ثابت ہوئی۔ سری لنکن بلے بازوں نے جارحانہ انداز اپناتے ہوئے مقررہ 20 اوورز میں 5 وکٹوں کے نقصان پر 225 رنز کا پہاڑ جیسا مجموعہ ترتیب دیا، جو رواں ٹی ٹوئنٹی ورلڈکپ کا اب تک کا سب سے بڑا اسکور قرار پایا۔ ابتدا ہی سے سری لنکن بیٹنگ لائن نے حریف بولرز کو دباؤ میں رکھا اور تیز رفتار رنز بنا کر میچ کا پانسہ پلٹ دیا۔
پون رتھنایئکے نے دھواں دار بیٹنگ کرتے ہوئے صرف 28 گیندوں پر 60 رنز اسکور کیے، جب کہ کوشل مینڈس نے 45 گیندوں پر شاندار 61 رنز کی اننگز کھیلی۔ دونوں بلے بازوں کے درمیان تیسری وکٹ کے لیے 94 رنز کی عمدہ شراکت قائم ہوئی، جو مینز ٹی ٹوئنٹی ورلڈکپ میں اس پوزیشن پر سری لنکا کی سب سے بڑی پارٹنرشپ ثابت ہوئی۔ اس شراکت نے سری لنکا کی اننگز کو مضبوط بنیاد فراہم کی اور بڑے اسکور کی راہ ہموار کی۔
ان کے بعد کپتان داسن شاناکا نے کریز پر آتے ہی جارحانہ انداز اختیار کیا اور محض 19 گیندوں پر نصف سنچری مکمل کر کے تاریخ رقم کر دی۔ یہ ٹی ٹوئنٹی انٹرنیشنل میں سری لنکا کی جانب سے تیز ترین ففٹی ہے، جس نے شائقین کرکٹ کو خوب محظوظ کیا اور ٹیم کے مجموعی اسکور کو نئی بلندیوں تک پہنچا دیا۔
عمان کی جانب سے جیتین رامانندی نے دو کھلاڑیوں کو آؤٹ کیا، جب کہ جے اوڈیڈرا اور سفیان محمود نے ایک ایک وکٹ حاصل کی، تاہم ان کی یہ کوششیں سری لنکا کے سیلابی اسکور کے سامنے ناکافی ثابت ہوئیں۔
جواب میں عمان کی بیٹنگ لائن دباؤ کا شکار نظر آئی اور سری لنکن بولرز کے سامنے زیادہ دیر ٹھہر نہ سکی۔ یکے بعد دیگرے وکٹیں گرنے سے عمان کی ٹیم صرف 120 رنز ہی بنا سکی، یوں سری لنکا نے میچ بڑے مارجن سے جیت کر ٹورنامنٹ میں اپنی دوسری فتح درج کرالی اور مضبوط پیغام دے دیا کہ وہ ٹائٹل کی دوڑ میں سنجیدہ امیدوار ہے۔
یاد رہے کہ دونوں ٹیموں کا ٹی ٹوئنٹی ورلڈ کپ 2026 میں یہ دوسرا میچ تھا، سری لنکا نے پہلے میچ میں آئرلینڈ کو 20 رنز سے ہرا یا تھا جبکہ زمبابوے نے عمان کو 8 وکٹوں سے شکست دے دی تھی۔
ذریعہ
ذریعہ: Jasarat News
کلیدی لفظ: سری لنکا نے ٹی ٹوئنٹی میچ میں عمان کی کے بعد
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ