چیف جسٹس نے 16 فروری تک بانیٔ پی ٹی آئی کا علاج کرانے کا حکم دیا: سینیٹر فیصل جاوید
اشاعت کی تاریخ: 13th, February 2026 GMT
فیصل جاوید — فائل فوٹو
سینیٹر فیصل جاوید کا کہنا ہے کہ چیف جسٹس نےحکم دیا ہے کہ 16 فروری تک بانیٔ پی ٹی آئی کا علاج کرایا جائے، یہ ظرف کی بات ہوتی ہے، آپ کا امتحان ہے۔
سینیٹ اجلاس میں تحریکِ انصاف کے سینیٹر فیصل جاوید نے اظہارِ خیال کرتے ہوئے کہا کہ بانیٔ پی ٹی آئی کا کوئی مطالبہ نہیں ہے، انہیں صرف بنیادی زندگی کی سہولتیں چاہئیں۔
انہوں نے کہا کہ ایوان میں حکومتی ارکان کی فیملی کے لوگ بھی بانیٔ پی ٹی آئی کے لیے دعا کر رہے ہیں۔
وزیرِ اعظم کے معاونِ خصوصی سینیٹر رانا ثناء اللّٰہ نے کہا ہے کہ خان صاحب کی صحت پر سیاست نہ کریں، ایسا کوئی معاملہ نہیں کہ 4 ماہ غفلت کی گئی، یہ کہنا غلط ہے کہ 4 ماہ سے شکایت کی جا رہی تھی، بانیٔ پی ٹی آئی کا جیل کے ڈاکٹر ہر دوسرے دن چیک اپ کرتے ہیں۔
فیصل جاوید کا کہنا ہے کہ بانیٔ پی ٹی آئی ناحق قید ہیں، کیا قومیں اپنے ہیروز کے ساتھ ایسا کرتی ہیں؟
پی ٹی آئی رہنما نے کہا کہ اکتوبر 2025ء میں بانیٔ پی ٹی آئی کی نظر 6/6 تھی اور اب ان کی بینائی 15 فیصد ہے۔
انہوں نے کہا کہ یہ وہ شخص ہیں جن کا علاج نہیں کرایا جا رہا جبکہ انہوں نے کینسر کے مفت علاج کے لیے اسپتال بنایا۔
فیصل جاوید کا کہنا ہے کہ ہم کئی ماہ تک آواز اٹھاتے رہے کہ بانیٔ پی ٹی آئی کو ان کے ذاتی ڈاکٹرز سے ملایا جائے، ہم کہہ رہے تھے بانی کے ڈاکٹرز کو رسائی دیں۔
سینیٹڑ نے کہا کہ بانیٔ پی ٹی آئی کی عمر 73 برس ہے، وہ بچپن سے اپنی صحت کی شکایت نہیں کرتے، 2 سال سے انہیں دانت کا درد ہے اس کے لیے بھی کچھ نہیں کیا گیا۔
انہوں نے مطالبہ کیا کہ بانیٔ پی ٹی آئی کا ایکسپرٹ ڈاکٹرز سے علاج کرایا جائے، ان کے ذاتی معالج کی نگرانی میں ان کا اعلاج کرایا جائے۔
.
ذریعہ
ذریعہ: Jang News
کلیدی لفظ: پی ٹی آئی کا فیصل جاوید نے کہا کہ انہوں نے کہ بانی
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا