ٹی 20 میں پہلی سینچری بنانے والے احمد شہزاد پی ایس ایل میں رد، 9 سالہ بیٹا بابا کا دل رکھنے کو کیا کہتا ہے؟
اشاعت کی تاریخ: 13th, February 2026 GMT
بدھ کو پی ایس ایل 11 کے لیے کھلاڑیوں کی پہلی نیلامی میں تمام 8 فرنچائزز نے ملکی و غیر ملکی کھلاڑیوں کو اپنے اسکواڈ میں شامل کیا لیکن ٹی 20 انٹرنیشنل میں پہلی سینچری بنانے والے احمد شہزاد اور جارحانہ بیٹر عمر اکمل کو ہر ٹیم کی انتظامیہ نے ہی نظر انداز کرتے ہوئے انہیں اپنے اسکواڈ میں شامل نہیں کیا۔
یہ بھی پڑھیں: احمد شہزاد نے پاکستانی کرکٹ کی تلخ حقیقت سے پردہ اٹھا دیا
پاکستان کرکٹ ٹیم کے سابق کپتان شاہد آفریدی نے پاکستان سپر لیگ (پی ایس ایل) سیزن 11 میں احمد شہزاد اور عمر اکمل کے نظر انداز کیے جانے پر اپنے تحفظات کا اظہار کیا ہے جبکہ خود احمد شہزاد بھی اس پر خاصے رنجیدہ ہیں۔
احمد شہزاد اور عمر اکمل کو نظر انداز کرنے پر شاہد آفریدی کیا کہتے ہیں؟نجی ٹی وی چینل سے گفتگو کرتے ہوئے شاہد آفریدی نے کہا کہ کچھ کھلاڑیوں کو ضرورت سے زیادہ نظر انداز کیا جاتا ہے۔
شاہد آفریدی نے کہا کہ مجھے امید تھی کہ 2 نئی ٹیموں کے شامل ہونے کے بعد احمد شہزاد اور عمر اکمل کو پی ایس ایل میں جگہ دی جائے گی۔
’میں ہوتا تو دونوں کھلاڑیوں کو ضرور لیتا‘انہوں نے مزید کہا کہ ’اگر میں کسی ٹیم میں ہوتا تو احمد شہزاد اور عمر اکمل کو ضرور شامل کرتا‘۔
شاہد آفریدی کا کہنا تھا کہ یہ ٹیم منیجمنٹ کا کام ہے کہ وہ کھلاڑیوں کو لے کر چلے اور میں سمجھتا ہوں کہ عمر اکمل اور احمد شہزاد کسی ایک فرنچائز کا حصہ ہونا چاہیے تھا۔
احمد شہزاد آبدیدہ ہوگئےپی ایس ایل سیزن 11 کے لیے منتخب نہ ہونے پر احمد شہزاد ایک لائیو شو میں آبدیدہ ہوگئے۔
ایک ٹی وی پروگرام میں میزبان کے سوال کے جواب میں انہوں نے کہا کہ ساتھی کھلاڑیوں کو کھیلتا دیکھ کر مجھے خوشی ہوتی ہے لیکن اس بات پر بہت دکھ ہوتا ہے کہ میں پی ایس ایل میں ان کے ساتھ نہیں ہوں۔
’میرا 9 سالہ بیٹا دل رکھنے کو کہہ دیتا ہے اس کو میرا کھیلنا یاد ہے‘احمد شہزاد نے کہا کہ سب سے زیادہ دکھ اس بات کا ہے کہ میرا بیٹا مجھے کھیلتا دیکھنا چاہتا ہے اور وہ اب 9 سال کا ہو گیا ہے۔
انہوں نے کہا کہ ان کا بیٹا ان کا دل رکھنے کے لیے کہہ دیتا ہے ’بابا مجھے یاد ہے آپ کھیلتے تھے‘۔
یہ اظہار جذبات اور آفریدی کے مضبوط مؤقف نے پی ایس ایل 11 میں نظر انداز کیے جانے والے شاندار اور باصلاحیت کرکٹرز کی حمایت میں ایک اہم پیغام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد شہزاد احمد شہزاد آبدیدہ پی ایس ایل 11 شاہد آفریدی عمر اکمل.
ذریعہ
ذریعہ: WE News
کلیدی لفظ: پی ایس ایل 11 شاہد ا فریدی عمر اکمل احمد شہزاد اور عمر اکمل شاہد ا فریدی کھلاڑیوں کو عمر اکمل کو پی ایس ایل نے کہا کہ کے لیے
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے