ملتان، مجلس وحدت مسلمین کے زیراہتمام سانحہ ترلائی کلاں کیخلاف احتجاجی مظاہرہ
اشاعت کی تاریخ: 13th, February 2026 GMT
مظاہرین سے خطاب کرتے ہوئے ضلعی صدر عون رضا انجم نے کہا کہ سانحہ اسلام آباد کے زخمیوں کی نگہداشت میں انتظامیہ کاہلی کا شکار ہے، ابھی تک سانحہ کے ملزمان کو منظرعام پر نہیں لایا گیا، سیکورٹی فورسز ملک میں موجود تکفیری عناصر کے خلاف کاروائی کرے، فی الفور دہشتگردوں اور ان کے سہولت کاروں کو گرفتار کرے۔ اسلام ٹائمز۔ مجلس وحدت مسلمین ضلع ملتان کے زیراہتمام سانحہ مسجد خدیجۃ الکبری ترلائی کلاں کے خلاف نماز جمعہ کے بعد امام بارگاہ ابو الفضل العباس چوک کمہاراں والا کے باہر احتجاجی مظاہرہ کیا گیا، مظاہرے کی قیادت ضلعی صدر ملتان عون رضا انجم ایڈووکیٹ، مولانا مجاہد حسین جعفری، مولانا غلام عباس نقوی، حسنین عباس نے کی۔ مظاہرین نے دہشت گردی کے خلاف نعرے بازی کی۔ مظاہرین سے خطاب کرتے ہوئے ضلعی صدر عون رضا انجم نے کہا کہ سانحہ اسلام آباد کے زخمیوں کی نگہداشت میں انتظامیہ کاہلی کا شکار ہے، ابھی تک سانحہ کے ملزمان کو منظرعام پر نہیں لایا گیا، سیکورٹی فورسز ملک میں موجود تکفیری عناصر کے خلاف کاروائی کرے، رہنماوں نے مطالبہ کیا کہ فی الفور دہشتگردوں اور ان کے سہولت کاروں کو گرفتار کرے، وزیراعظم کی جانب سے متاثرین کے لیے کیے گئے اعلانات فوری پورے کیے جائیں۔ اس موقع پر ملک عمران حیدر، زوار علی رضا حسینی، حسن رضا حیدری اور دیگر موجود تھے۔
.
ذریعہ
ذریعہ: Islam Times
کلیدی لفظ: کے خلاف
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا