عثمان طارق ہمارا ٹرمپ کارڈ ہے بھارتی ٹیم کیلیے پلان تیار ہے، کپتان سلمان علی آغا
اشاعت کی تاریخ: 14th, February 2026 GMT
قومی ٹی ٹوئنٹی ٹیم کے کپتان سلمان علی آغا نے بھارت کے خلاف اہم میچ سے قبل اسپنر عثمان طارق کو ٹیم کا ٹرمپ کارڈ قرار دیتے ہوئے کہا ہے کہ پوری بھارتی ٹیم کے لیے پلان تیار ہے ہمیں اچھی کرکٹ کھیلنا ہوگی۔
کولمبو میں پریس کانفرنس کرتے ہوئے سلمان علی آغا کا کہنا تھا کہ ان کے لیے تمام کھلاڑی یکساں اہمیت رکھتے ہیں، تاہم عثمان طارق کو سب نے خود ٹرمپ کارڈ بنایا ہے اور وہ ٹیم کے لیے اہم کردار ادا کر سکتے ہیں۔
انہوں نے کہا کہ عثمان طارق کے بولنگ ایکشن سے متعلق باتیں ہوتی رہی ہیں حالانکہ وہ دو مرتبہ کلیئر ہو چکے ہیں۔ سمجھ نہیں آتا کہ ان کے ایکشن پر بار بار سوال کیوں اٹھایا جا رہا ہے لیکن اس سب کا ان پر کوئی اثر نہیں پڑتا۔
قومی کپتان نے کہا کہ کل بھی ایک بڑے درجے کا میچ ہے اور ٹیم مکمل طور پر تیار ہے۔ انہوں نے بتایا کہ یہاں کی کنڈیشنز سے ٹیم ہم آہنگ ہے، پچ کے بارے میں بھی مکمل آگاہی ہے، البتہ بارش پر کسی کا اختیار نہیں۔ اگر بارش کی وجہ سے اوورز کم ہوئے تو اس صورتحال کے لیے بھی حکمت عملی تیار کر لی گئی ہے۔
مزید پڑھیںٹی ٹوئنٹی ورلڈکپ: پی سی بی سربراہ پاک بھارت میچ دیکھنے کیلیے سری لنکا روانہ
پاک بھارت میچ میں شائقین کی توقعات حد سے زیادہ بڑھ جاتی ہیں، بابر اعظم
انہوں نے مزید کہا کہ اسکواڈ کے تمام 15 کھلاڑی ان کے لیے اہم ہیں اور کنڈیشنز کو دیکھ کر پلیئنگ الیون کا فیصلہ کیا جائے گا۔ سلمان علی آغا کا کہنا تھا کہ بابر اعظم رنز کر رہے ہیں اور ٹیم کو ان کی فارم پر کوئی تشویش نہیں، امید ہے وہ اگلے میچ میں بھی اچھی کارکردگی دکھائیں گے۔
ایک سوال کے جواب میں انہوں نے تسلیم کیا کہ ورلڈ کپ مقابلوں میں پاکستان کرکٹ ٹیم کا بھارت کرکٹ ٹیم کے خلاف ریکارڈ زیادہ اچھا نہیں رہا، تاہم ٹیم نے ماضی سے سیکھا ہے اور کوشش ہوگی کہ اس بار بہتر کھیل پیش کیا جائے۔ ان کا کہنا تھا کہ بھارت کی پوری پلیئنگ الیون کے لیے منصوبہ بندی مکمل کر لی گئی ہے۔
سلمان علی آغا نے کہا کہ کپتانی ایک اضافی ذمہ داری ہوتی ہے اور اس کے ساتھ دباؤ بھی ہوتا ہے کیونکہ آپ ملک کی نمائندگی کر رہے ہوتے ہیں اور سب کی نظریں آپ پر ہوتی ہیں۔ انہوں نے اس عزم کا اظہار کیا کہ ٹیم میدان میں بہترین کارکردگی دکھانے کی بھرپور کوشش کرے گی۔
.
ذریعہ
ذریعہ: Express News
کلیدی لفظ: سلمان علی آغا انہوں نے ٹیم کے کے لیے ہے اور
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ