کویت کیجانب سے علاقائی استحکام کو مضبوط بنانے کیلئے ایران کیساتھ تعاون جاری رکھنے پر تاکید
اشاعت کی تاریخ: 15th, February 2026 GMT
اپنے ایرانی ہم منصب کے نام تہنیتی پیغام میں کویتی وزیر خارجہ نے دونوں ممالک کے درمیان گہرے و مضبوط دوستانہ تعلقات کا ذکر کرتے ہوئے امید ظاہر کی کہ دونوں ممالک کے درمیان باہمی تعاون، مشترکہ مفادات کیساتھ ساتھ خطے بھر میں استحکام، سلامتی اور امن کو بھی تقویت بخشے گا اسلام ٹائمز۔ اپنے ایرانی ہم منصب سید عباس عراقچی کے نام ایک پیغام میں کویت کے وزیر خارجہ شیخ جراح جابر الاحمد الصباح نے ایران میں اسلامی انقلاب کی فتح کی 47ویں سالگرہ اور اسلامی جمہوریہ ایران کے قومی دن کے حوالے سے مبارکباد پیش کی ہے۔ اس پیغام میں کویتی وزیر خارجہ نے اپنے ایرانی ہم منصب کی صحت و سلامتی اور عظیم ایرانی قوم کی مسلسل ترقی و خوشحالی نیز اسلامی جمہوریہ ایران کے ساتھ ساتھ پورے خطے کی سلامتی اور پائیدار استحکام کے لئے بھی دعا کی۔ دونوں دوست ممالک کے درمیان گہرے و مضبوط دوستانہ تعلقات اور مختلف شعبوں میں جاری باہمی تعاون کا ذکر کرتے ہوئے شیخ جراح جابر الاحمد الصباح نے امید ظاہر کی کہ دونوں ممالک کے درمیان گہرا باہمی تعاون، دونوں قوموں کے مشترکہ مفادات کے ساتھ ساتھ خطے بھر میں استحکام، سلامتی و امن و امان کو بھی مستحکم بنائے گا۔
.
ذریعہ
ذریعہ: Islam Times
کلیدی لفظ: ممالک کے درمیان نے ایران
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا