اتحاد امت کیلئے محراب ومنبر کاکردار مضبوط ہوناچاہیے، طاہراشرفی
اشاعت کی تاریخ: 15th, February 2026 GMT
اسلام آباد(نیوزڈیسک)چیئرمین پاکستان علماءکونسل حافظ طاہر اشرفی کا کہنا ہےکہ اس بارمسلمانوں اورمسیحی برادری کے روزےاکٹھے ہیں،علماءسےاپیل ہےامت کوجوڑنےکےلیےکردارادا کریں،امت کوتقسیم کرنے والے عناصر کے خاتمے کےلیےکردار اداکرناہے۔محراب ومنبر کاکردار بہت مضبوط ہوناچاہیے۔
چیئرمین پاکستان علماءکونسل حافظ طاہراشرفی نے خطاب میں کہا رمضان المبارک کےضابطہ اخلاق کے حوالےسے اکٹھےہوئےہیں،رمضان المبارک کوباہکی اتحاد جومضبوط کرنا ہے،محراب ومنبرسےضابطہ اخلاق پر پابندی کی درخواست کریں گے، پیغام پاکستان پیغام اسلام سے لیا گیا،فروغ دیں،نفرتوں کو ختم کرکے محبتوں کو بڑھانا ہے، اپنےمسلک کو چھوڑنا نہیں اور دوسرے کےمسلک کو چھیڑنا نہیں۔
انہوں نے کہا اس بارمسلمانوں اورمسیحی برادری کےروزےاکٹھے ہیں،علماءسے اپیل ہےامت کو جوڑنے کے لیے کردار ادا کریں، امت کو تقسیم کرنے والے عناصر کے خاتمے کے لیےکردار اداکرناہے،تراویح پڑھنے دی جائے، تعداد کی بات پر بحث نہ کی جائے،چوک چوراہوں پرکسی مکتب فکرکی دل آزاری سے گریز کیا جائے۔
مزیدکہا حماس کےنمائندےپاکستان کےمؤقف سےمطمئن ہیں،عبادت گاہوں،چرچ، عوامی مقامات پر شہریوں کوقتل کرنےوالےکافرہیں،یہ ہمارےپڑوس میں بیٹھےہیں جنہیں ہندوستان پیسےدےرہاہے۔
.
ذریعہ
ذریعہ: Daily Mumtaz
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
وزارت آئی ٹی نے 1.67 ارب روپے سے زاید کے فنڈز طلب کرلیے