تہذیب یافتہ لوگ ہاتھ نہ ملانے پر برا مناتے ہیں چاہے پاکستانی ہو یا بھارتی، عامر سہیل
اشاعت کی تاریخ: 15th, February 2026 GMT
لاہور:
سابق کرکٹر عامر سہیل نے کہا کہ چاہے پاکستانی ہوں یا بھارتی! تہذیب یافتہ لوگ ہاتھ نہ ملانے پر برا مناتے ہیں، بھارت سے میچ کے بائیکاٹ کی دھمکی پاکستان کا احسن اقدام تھا اس سے دوسرے بورڈز کو بھی اپنا حق مانگنے کی ہمت ملے گی۔
یہ بات انہوں نے ایکسپریس نیوز کے مطابق جوش جگادے میں کہی۔ ان کے ساتھ کرکٹر سلمان بٹ بھی موجود تھے۔
مزید پڑھیںٹی 20 ورلڈکپ: بھارت کی ہٹ دھرمی، کپتانوں نے ہاتھ نہیں ملایا
پاکستانی کھلاڑیوں سے ہاتھ نہ ملانے کی پالیسی کیخلاف بھارت سے بھی آوازیں اٹھنا شروع
عامر سہیل نے کہا کہ تہذیب یافتہ لوگ چاہے پاکستان میں ہوں یا بھارت میں ، ہاتھ نہ ملانے کے اس عمل کا انہوں نے برا منایا ہوگا، اس طرح کی حرکتیں کرنے کا مقصد اپنے آپ کو ظاہر کرنا ہے کہ آپ کیا ہیں؟ آپ اپنے کلچر کی نمائندگی کرتے ہیں۔
پاکستان کے بائیکاٹ کی دھمکی کے اقدام کو سراہتے ہوئے عام سہیل نے کہا کہ اس اقدام سے دوسرے کرکٹ بورڈز کو حوصلہ ملے گا، اگر کوئی غلط بات ہوگی تو وہ بھی فائٹ کریں گے، پہلے یہ سارے بورڈز دبے ہوئے تھے مگر پاکستان نے اب یہ اقدام اٹھا کر دراصل سب کی قیادت کی ہے، آئندہ دوسرے کرکٹ بورڈ بھی اپنا حق مانگیں گے، آئی سی سی میں اب آپ کو تبدیلی نظر آئے گی۔
.
ذریعہ
ذریعہ: Express News
کلیدی لفظ: ہاتھ نہ ملانے
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ