اسلام آباد ہائیکورٹ بار کے انتخابات کے نتائج کا باضابطہ اعلان، سید واجد علی گیلانی صدر منتخب
اشاعت کی تاریخ: 16th, February 2026 GMT
اسلام آباد ہائی کورٹ بار کے انتخابات کے نتائج کا حتمی نوٹیفیکیشن جاری کر دیا گیا ہے۔
صدارتی انتخاب میں سید واجد علی گیلانی 770 ووٹ لے کر کامیاب قرار پائے، جبکہ ان کے مدمقابل چودھری محمد اشرف گجر 761 ووٹ حاصل کر سکے۔ مختصر مارجن سے شکست کھانے والے اشرف گجر نے دھاندلی کے الزامات عائد کیے ہیں اور کہا ہے کہ وہ پریس کانفرنس کے ذریعے اس معاملے سے عوام کو آگاہ کریں گے۔
یہ بھی پڑھیے: اسلام آباد ہائیکورٹ بار انتخابات: عدالتی فیصلے کو ووٹ حاصل کرنے کے لیے استعمال کرنے پر تنقید
عادل عزیز قاضی ایڈوکیٹ کی سربراہی میں 5 رکنی الیکشن بورڈ نے نوٹیفیکیشن جاری کیا جس میں نئی کابینہ کے دیگر عہدوں کے نتائج بھی شامل ہیں۔ ایڈیشنل سیکرٹری کے لیے فرزانہ فیصل خان 865 ووٹ لے کر کامیاب ہوئیں، جبکہ مدمقابل پلوشہ ایاز خان 644 ووٹ حاصل کر سکیں۔ جوائنٹ سیکرٹری کے لیے عثمان ناصر 939 ووٹ لے کر کامیاب ہوئے، جبکہ مدمقابل وجاہت غوری صرف 553 ووٹ حاصل کر سکے۔
یہ بھی پڑھیے: لاہور ہائیکورٹ بار اور لاہور بار نے ججز سنیارٹی کیس کا فیصلہ چیلنج کر دیا
اسی طرح فنانس سیکرٹری کے لیے ردا بتول 860 ووٹ لے کر کامیاب ہوئیں، جبکہ مدمقابل سید صلاح الدین 625 ووٹ لے سکے جبکہ جنرل سیکرٹری قاسم نواز عباسی اور 12 رکنی ایگزیکٹو باڈی بلا مقابلہ منتخب ہو گئی ہے، جبکہ نائب صدر کی نشست پر صابر احمد بھی بلا مقابلہ منتخب ہو چکے ہیں۔
اسلام آباد ہائی کورٹ بار کی نئی کابینہ یکم مارچ سے ذمہ داریاں سنبھالے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ بار وکلا.
ذریعہ
ذریعہ: WE News
کلیدی لفظ: اسلام آباد ہائیکورٹ بار وکلا ووٹ لے کر کامیاب ہائیکورٹ بار ووٹ حاصل کر اسلام آباد کے لیے
پڑھیں:
بلاول کل چلاس جبکہ آصفہ بھٹو ہنزہ میں خطاب کریں گی
رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ اسلام ٹائمز۔ رکن قومی اسمبلی بی بی آصفہ بھٹو زرداری کل بتاریخ تین جون بروز بدھ شام چار بجے گلگت بلتستان کے ضلع ہنزہ کی تحصیل علی آباد کے ڈگری کالج گراؤنڈ میں انتخابی جلسے سے خطاب کریں گی۔ جبکہ پاکستان پیپلزپارٹی کے چیئرمین بلاول بھٹو زرداری کل تین جون بروز بدھ شام پانچ بجے گلگت بلتستان کے ضلع دیامر کی تحصیل چلاس میں واقع فٹبال گراؤنڈ میں انتخابی جلسہ عام سے خطاب کریں گے۔
وزارت آئی ٹی نے 1.67 ارب روپے سے زاید کے فنڈز طلب کرلیے