وسیم اکرم اورروہت شرماکامصافحہ،گلے بھی ملے
اشاعت کی تاریخ: 16th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کولمبو:اتوار کو ٹی20 ورلڈ کپ میں پاکستان اور انڈیا کے میچ میں دونوں ٹیموں کے کھلاڑیوں نے ہاتھ نہیں ملائے تاہم ا سٹیڈیم میں اس سے کچھ مختلف مناظر دیکھنے کو ملے۔
سوشل میڈیا پر ایک ویڈیو وائرل ہے جس میں پاکستان کے سابق کرکٹر وسیم اکرم اور سابق انڈین کپتان روہت شرما نے نہ صرف مصافحہ کیا بلکہ گلے بھی ملے۔
https://jasarat.com/wp-content/uploads/2026/02/Nibraz_Ramzan_-_Legends_Hugs_Kids_don_t_Shake_Hands._INDvPAK_T20WorldCup_REU7cJ.mp4
میچ کے دوران سامنے آنے والی یہ وائرل ویڈیو بظاہر سری لنکا کے پریما داسا سٹیڈیم کی ہے جہاں انڈیا اور پاکستان مدمقابل تھے۔
وسیم اکرم اور روہت شرما نے ایک ایسے وقت میں ملاقات کی ہے جب انڈیا اور پاکستان کے درمیان سیاسی کشیدگی کھیل کے میدانوں میں بھی غالب نظر آرہی ہے۔
گزشتہ برس مئی میں دونوں ممالک کے درمیان محدود جنگ کے نتیجے میں کرکٹ کے میدانوں میں ہاتھ نہ ملانے کا سلسلہ اتوار کو پریما داسا کرکٹ سٹیڈیم میں بھی نظر آیا جہاں کھلاڑیوں نے آپس میں مصافحہ نہیں کیا۔
سوشل میڈیا صارفین کی جانب سے روہت شرما اور وسیم اکرم کی ملاقات پر دلچسپ تبصرے کیے جا رہے ہیں۔
ایکس صارف نبراز رمضان نے ویڈیو شیئر کرتے ہوئے لکھا کہ لیجنڈز گلے ملتے ہیں جبکہ بچے ہاتھ نہیں ملاتے۔
ستیش اچاریہ نے لکھا کہ ہم پاکستان کے ساتھ کھیلیں گے البتہ ان سے ہاتھ نہیں ملائیں گے، کیا ہی بےوقوف آئیڈیا ہے، مجھے نہیں معلوم یہ جینیس مشورہ کس نے دیا۔
روشن رائے نے لکھا کہ سوریا کمار یادیو نے ٹاس کے موقع پر سلمان علی آغا سے مصافحہ نہیں کیا۔ میچ کے اختتام پر انڈین کھلاڑیوں نے پاکستانی کھلاڑیوں سے ہاتھ نہیں ملایا، لیکن روہت شرما کو وسیم اکرم کو گلے لگاتے ہوئے دیکھا گیا۔ مجھے صرف یہ امید ہے کہ اس بات پر روہت کو گالیاں نہیں دی جائیں گی اور نہ ہی شرمندہ کیا جائے گا۔
احمد نے لکھا کہ اگر محمد سراج اسی طرح سے کسی پاکستانی کھلاڑی کے ساتھ گلے ملتے تو انہیں پاکستان کا ہمدرد نہ قرار دیا جاتا
ایک اور صارف نے لکھا کہ پاکستان کے خلاف جیت کے بعد ہمیں خوشی کیوں محسوس نہیں ہو رہی؟ اس لیے کہ ہم میچ تو جیت گئے، لیکن ٹیم سے ہاتھ نہ ملا کر اپنی عزت اور کھیل کے جذبے کو کھو دیا۔ ہم آخر کیا پیغام دینا چاہتے ہیں؟ جب روہت شرما اور وسیم اکرم نے ہاتھ ملایا، تو پھر کھلاڑیوں نے کیوں نہیں؟‘
گبر نامی اکاو ¿نٹ نے لکھا کہ روہت شرما نے کرکٹ کے میدان میں ہونے والے سستے سیاسی ہتھکنڈوں سے خود کو بالاتر ثابت کیا ہے۔
یاد رہے کہ ٹی20 ورلڈ کپ کے گروپ میچ میں یکطرفہ مقابلے کے بعد انڈیا نے پاکستان کو 61 رنز سے شکست دے دی تھی۔
ویب ڈیسک
Faiz alam babar
ذریعہ
ذریعہ: Jasarat News
کلیدی لفظ: کھلاڑیوں نے پاکستان کے نے لکھا کہ ہاتھ نہیں وسیم اکرم روہت شرما ہاتھ نہ
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے