مریم نواز کی خیبرپختونخوا کی صورتحال پر تنقید، تعلیم و ترقی پر زور
اشاعت کی تاریخ: 16th, February 2026 GMT
گجرات:وزیر اعلیٰ پنجاب مریم نواز نے کہا ہے کہ خیبرپختونخوا کے بچوں کا مقدر انتشار، بدتمیزی یا پسماندگی نہیں ہو سکتا، وہ بھی ترقی اور تعلیم کے اتنے ہی حق دار ہیں جتنے ملک کے دیگر صوبوں کے نوجوان۔
یونیورسٹی آف گجرات میں طلبہ سے خطاب کرتے ہوئے انہوں نے کہا کہ ایک طرف پنجاب کے نوجوان لاکھوں کی تعداد میں ٹیکنیکل ٹریننگ حاصل کر رہے ہیں جبکہ دوسری طرف خیبرپختونخوا کے حالات تشویشناک بتائے جاتے ہیں، وہ صوبائی عہدے سے پہلے خود کو پاکستانی سمجھتی ہیں اور چاہتی ہیں کہ ملک کے ہر خطے میں یکساں ترقی ہو۔
وزیراعلیٰ نے کہا کہ گزشتہ تیرہ برسوں میں خیبرپختونخوا کے عوام کو وہ ترقی نہیں مل سکی جس کے وہ مستحق تھے اور وہاں کے لوگوں کو ترقی کے ثمرات سے مکمل طور پر آگاہی نہیں دی گئی، یہ خوشی کی بات نہیں بلکہ افسوس کی بات ہے کہ بعض علاقوں کے بچے بنیادی سہولتوں اور معیاری تعلیم سے محروم رہ جائیں۔
مریم نواز کا کہنا تھا کہ کسی بھی صوبے کے راستے بند کرنے یا رکاوٹیں کھڑی کرنے سے دوسرے علاقوں کے کاروبار یا ترقی پر فرق نہیں پڑتا، اصل ضرورت باہمی تعاون اور مثبت سوچ کی ہے، پاکستان کے تمام صوبے ایک جسم کی مانند ہیں اور اگر ایک حصہ کمزور ہو تو پورا ملک متاثر ہوتا ہے۔
وزیراعلیٰ پنجاب نے خیبرپختونخوا کے عوام کو مخاطب کرتے ہوئے کہا کہ وہ پنجاب کے ترقیاتی ماڈل کو دیکھیں اور اپنے بچوں کو تعلیم، ہنر اور مثبت سرگرمیوں کی طرف راغب کریں، نوجوانوں کو جدید دور کے تقاضوں کے مطابق تیار کرنا ہی پاکستان کے روشن مستقبل کی ضمانت ہے۔
خطاب کے اختتام پر انہوں نے طلبہ پر زور دیا کہ وہ اختلافِ رائے کو برداشت کرنا سیکھیں، نفرت کے بجائے علم اور تحقیق کو اپنائیں اور ملک کی تعمیر میں فعال کردار ادا کریں۔
.
ذریعہ
ذریعہ: Al Qamar Online
کلیدی لفظ: پاکستان کھیل خیبرپختونخوا کے
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے