کرپٹ حکمرانوں نے عوام پرمہنگائی کا نیا بوجھ ڈال دیا‘سرداررحیم
اشاعت کی تاریخ: 17th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260217-08-20
کراچی(اسٹاف ر پورٹر) پاکستان مسلم لیگ فنکشنل سندھ کے سیکریٹری جنرل سردار عبدالرحیم نے پیٹرول 5 روپے فی لیٹر اور ہائی اسپیڈ ڈیزل 7 روپے 32 پیسے مہنگا کرنے کی سخت مذمت کرتے ہوئے کہا ہے کہ کرپٹ حکمرانوں نے مہنگائی کے خاتمے کے بجائے عوام پر نیا بوجھ ڈال دیا ہے۔ انہوں نے رمضان المبارک سے قبل پیٹرولیم مصنوعات مہنگی کرنے کے اقدام کو عوام دشمن قرار دیتے ہوئے کہا کہ عوام کو ریلیف دینے کے بجائے حکومت نے ماہ رمضان سے پہلے مہنگائی بڑھانے کا تحفہ دے دیا ہے۔ سردار عبدالرحیم کا کہنا تھا کہ اتحادی حکومت نے اپنی شاہ خرچیوں کا بوجھ عوام پر منتقل کردیا ہے، ایندھن مہنگا ہوگا تو تمام اشیائے ضرورت کی قیمتوں میں مزید اضافہ ہوگا اور اس کا براہ راست اثر غریب اور متوسط طبقے پر پڑے گا۔ انہوں نے الزام عائد کیا کہ آئی ایم ایف کی شرائط پر عوام کو قربان کیا جارہا ہے جبکہ غریب عوام پہلے ہی مہنگائی کے ہاتھوں پس رہی ہے اور مزید اضافہ ظلم کے مترادف ہے۔ انہوں نے خبردار کیا کہ مہنگائی کا طوفان نااہل حکمرانوں کو بہا لے جائے گا اور مطالبہ کیا کہ پیٹرولیم مصنوعات کی قیمتیں کم کرکے عوام کو جینے کا حق دیا جائے۔
ذریعہ
ذریعہ: Jasarat News
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا