رمضان المبارک کے پہلے عشرے میں موسم کیسا رہے گا؟
اشاعت کی تاریخ: 17th, February 2026 GMT
پاکستان محکمہ موسمیات نے ماہِ رمضان کے لیے موسم کی پیشگوئی جاری کرتے ہوئے بتایا ہے کہ ملک کے بیشتر علاقوں میں رمضان کے ابتدائی 10 دن موسم خشک رہنے کا امکان ہے جبکہ دن کے درجہ حرارت میں بتدریج اضافہ متوقع ہے۔
یہ بھی پڑھیں: 28 جنوری سے 2 فروری تک ملک بھر میں موسم کیسا رہے گا؟
محکمہ موسمیات کے مطابق فروری کے بقیہ دنوں میں کسی نمایاں بارش کے سلسلے کی توقع نہیں اور نہ ہی ملک بھر میں اچانک موسمی تبدیلی کا امکان ہے، ماہرین کا کہنا ہے کہ دن کے اوقات میں درجہ حرارت معمول سے زیادہ رہ سکتا ہے۔
محکمہ موسمیات کے ڈپٹی ڈائریکٹر عرفان ورک کے مطابق اس وقت ملک کے کسی بھی حصے میں کوئی ایسا بارش برسانے والا سسٹم موجود نہیں جو موجودہ موسمی صورتحال میں اچانک تبدیلی لاسکے۔
محکمہ موسمیات نے خبردار کیا ہے کہ سندھ کے بعض علاقوں میں گرمی کی شدت معمول سے پہلے بڑھ سکتی ہے۔ روزہ داروں کو ہدایت کی گئی ہے کہ غیر ضروری طور پر دھوپ میں نکلنے سے گریز کریں، خاص طور پر دوپہر کے اوقات میں احتیاط برتیں۔
یہ بھی پڑھیں: کراچی میں آئندہ دنوں موسم کیسا رہے گا؟ محکمہ موسمیات نے بتا دیا
محکمہ موسمیات کے مطابق مٹھی، ٹھٹھہ اور بدین جیسے علاقوں کے مکین براہِ راست دھوپ سے بچیں۔ تاہم رمضان کے دوسرے اور تیسرے عشرے میں بارش کا امکان ظاہر کیا گیا ہے، شمالی علاقوں، وسطی پنجاب اور پوٹھوہار ریجن میں کہیں کہیں ہلکی بارش ہوسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان رمضان رمضان المبارک روزے موسم.
ذریعہ
ذریعہ: WE News
کلیدی لفظ: پاکستان رمضان المبارک محکمہ موسمیات موسم کی
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا