عمران خان کی میڈیکل رپورٹ سے مطمئن، اس پر سیاست نہیں چاہتے، شیرافضل مروت
اشاعت کی تاریخ: 17th, February 2026 GMT
رکن قومی اسمبلی شیرافضل مروت نے کہا ہے کہ وہ بانی پی ٹی آئی عمران خان کی میڈیکل رپورٹ سے مطمئن ہیں۔ بیرسٹر گوہر اور سلمان اکرم راجا نے بھی رپورٹ پر اطمینان کا اظہار کیا ہے۔
یہ بھی پڑھیں: پی ٹی آئی احتجاج میں اب اجتماعی استخارہ ہوگا، شیرافضل مروت کا طنز
نجی ٹی وی سے گفتگو کرتے ہوئے شیرافضل مروت نے کہا کہ انہوں نے عمران خان کی میڈیکل رپورٹ پڑھی ہے اور وہ اس رپورٹ سے مطمئن ہیں۔ بیرسٹر گوہر اور سلمان اکرم راجا نے بھی اس رپورٹ پر تسلی کا اظہار کیا۔ ان کا کہنا تھا کہ میں نہیں سمجھتا کہ اس پر مزید کوئی سیاست کی جائے۔
’پی ٹی آئی میں وہی ہوتا ہے جو خاندان کے افراد چاہتے ہیں‘شیرافضل مروت نے کہا کہ احتجاج کے حوالے سے فیصلے پی ٹی آئی کی سیاسی قیادت کو کرنے چاہئیں۔ گزشتہ دو سال میں ایک بھی ایسا فیصلہ نہیں ہوا جو قیادت کو کرنے دیا گیا ہو۔ قیادت ایک فیصلہ کرتی ہے تو پھر آگے سے پریس کانفرنسز آ جاتی ہیں۔
انہوں نے کہا کہ پی ٹی آئی ہائی جیک ہے، پی ٹی آئی میں فیصلہ وہی ہوتا ہے جو خاندان کے لوگ چاہتے ہیں۔ پارٹی میں کسی کا اپنا سیاسی مستقبل محفوظ نہیں، بیرسٹر گوہر بھی جواب نہیں دے سکتے۔ جس طرح وزیرداخلہ نے آج ایک چارج شیٹ جاری کی ہے تو اس کا جواب بیرسٹر گوہر کو دینا چاہیے، جو نہیں دیا گیا۔
’سہیل آفریدی نے میرے فنڈز بند کروا دیے‘ان کا کہنا تھا کہ وزیراعلیٰ سہیل آفریدی نے جوں ہی عہدہ سنبھالا، انہوں نے علیمہ خان کو خوش کرنے کے لیے میرے حلقے کے فنڈز بند کر دیے۔ یہ میرے فنڈز نہیں بلکہ عوام کے فنڈز تھے۔ کچھ لوگ نہیں چاہتے تھے کہ سہیل آفریدی کو صوبائی اسمبلی کا ٹکٹ ملے۔ میں جب انہیں عمران خان کے پاس لے کر گیا تھا تو انہوں نے کہا کہ یہ کون ہے۔
یہ بھی پڑھیں: شیرافضل مروت کے علیمہ خان سمیت پی ٹی آئی قیادت پر الزامات
انہوں نے کہا کہ عمران خان آج تک سہیل آفریدی کو جانتے بھی نہیں ہیں، اور بعد میں سہیل آفریدی کی عمران خان سے ملاقات تک نہیں ہوئی۔ میرا خیال ہے کہ سہیل آفریدی کی سیٹلمنٹ وفاقی حکومت اور اسٹیبلشمنٹ کے ساتھ ہو چکی ہے، اور وہ صوبے میں دھرنوں سے بھی خوش نہیں ہیں۔
’سہیل آفریدی چاہتے ہیں کہ خیبرپختونخوا میں دھرنے ختم ہوجائیں‘شیرافضل مروت نے کہا کہ سہیل آفریدی چاہتے ہیں کہ کسی طرح صوبے میں دھرنے ختم ہو جائیں۔ بیرسٹر گوہر اور سلمان اکرم راجا نے دھرنوں کی مذمت کی ہے۔ اگلے دو دن میں اگر پولیس لاٹھیوں کے ذریعے دھرنے کے شرکا کو اٹھا کر سڑکیں کھول دیتی ہے تو مان لیں کہ صوبائی حکومت بھی یہی چاہتی ہے۔
یہ بھی پڑھیں: علیمہ خان کے بیٹوں کو گرفتارکروانے کاالزام، شیرافضل مروت بول پڑے
انہوں نے مزید کہا کہ اگلے 2 دن میں طاقت کے ذریعے خیبرپختونخوا میں سڑکیں کھلوائی جائیں گی اور مجبوری پشاور ہائی کورٹ کے حکم کے مطابق ہوگی۔ میں آج ایبٹ آباد گیا تھا، دھرنے میں 30 سے 40 لوگ بیٹھے تھے، سرکار کو دھرنے ختم کرانے میں کوئی مشکل نہیں ہوگی۔
’دھرنے طویل ہوں گے تو پی ٹی آئی کے خلاف نفرت بڑھے گی‘ان کا کہنا تھا کہ پی ٹی آئی اگر وفاقی حکومت کو تکلیف دینا چاہتی ہے تو وہ اسلام آباد، راولپنڈی یا پنجاب میں دھرنے دے۔ خیبرپختونخوا میں جتنے بھی طویل دھرنے ہوں گے، پی ٹی آئی کے خلاف نفرت بڑھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پشاور ہائیکورٹ دھرنے سہیل آفریدی شیرافضل مروت عمران خان میڈیکل رپورٹ.
ذریعہ
ذریعہ: WE News
کلیدی لفظ: پاکستان پشاور ہائیکورٹ سہیل ا فریدی شیرافضل مروت میڈیکل رپورٹ شیرافضل مروت نے کہا میڈیکل رپورٹ بیرسٹر گوہر سہیل آفریدی پی ٹی ا ئی چاہتے ہیں پی ٹی آئی نے کہا کہ انہوں نے
پڑھیں:
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی WhatsAppFacebookX 0 23 July, 2026 سب نیوز
لاہور(آئی پی ایس )لاہور ہائی کورٹ نے ایک اہم فیصلے میں واضح کیا ہے کہ ہاسنگ سوسائٹیوں میں اسکول، پارک، مسجد، ہسپتال اور دیگر عوامی سہولیات (Amenity Sites) کے لیے مختص زمین عوام کی امانت ہے۔ اگرچہ ایسی زمین کا قانونی ٹائٹل بعض حالات میں لاہور ڈویلپمنٹ اتھارٹی (LDA) کے پاس منتقل ہو سکتا ہے، لیکن LDA اسے اپنی ملکیت سمجھ کر کمرشل مقاصد کے لیے فروخت یا نیلام نہیں کر سکتی۔
مقدمہ AGRICS Cooperative Housing Society اور LDA کے درمیان تھا۔ سوسائٹی نے مقف اختیار کیا کہ وہ Cooperative Societies Act, 1925 کے تحت قائم ہوئی ہے، اس لیے LDA کے بعض قوانین اس پر لاگو نہیں ہوتے، جبکہ LDA کا مقف تھا کہ عوامی سہولیات کے لیے مختص زمین اس کے نام منتقل کیے بغیر اسکول کا بلڈنگ پلان منظور نہیں کیا جا سکتا۔
لاہور ہائی کورٹ نے قرار دیا کہ Cooperative Societies Act سوسائٹی کے اندرونی معاملات سے متعلق ہے، جبکہ LDA Act لاہور میں شہری منصوبہ بندی (Urban Planning) اور ہاسنگ اسکیموں کو منظم کرنے والا خصوصی قانون ہے، اس لیے پلاننگ اور ترقیاتی معاملات میں LDA کے قوانین پر عمل کرنا تمام ہاسنگ سوسائٹیوں کے لیے لازم ہے۔
عدالت نے یہ بھی قرار دیا کہ 1990 کی Mortgage Deed اور سوسائٹی کے اپنے سابقہ ریکارڈ سے ثابت ہوتا ہے کہ متعلقہ عوامی سہولیات کی زمین LDA کے نام منتقل ہو چکی تھی، لہذا سوسائٹی کئی دہائیوں بعد اس مقف سے انکار نہیں کر سکتی۔
فیصلے کا سب سے اہم حصہ Doctrine of Public Trust (پبلک ٹرسٹ ڈاکٹرائن) سے متعلق ہے۔ عدالت نے واضح کیا کہ اگرچہ زمین کا قانونی ٹائٹل LDA کے پاس ہے، لیکن وہ اس کا مطلق مالک نہیں بلکہ صرف Trustee (امین) ہے۔ اس لیے اسکول، پارک، مسجد یا دیگر عوامی سہولیات کے لیے مختص زمین کو کسی اور مقصد، خصوصا تجارتی استعمال یا فروخت کے لیے استعمال نہیں کیا جا سکتا۔ ایسی زمین صرف اسی مقصد کے لیے استعمال ہوگی جس کے لیے اسے مختص کیا گیا تھا۔
عدالت نے یہ بھی نوٹ کیا کہ 30 سال سے زائد عرصہ گزرنے کے باوجود اسکول کے لیے مختص پلاٹ پر اسکول تعمیر نہیں کیا گیا، جس سے علاقے کے رہائشیوں کے بنیادی حقوق متاثر ہوئے۔ اسی بنیاد پر لاہور ہائی کورٹ نے LDA کو تین ماہ کے اندر قانونی طریقہ کار کے مطابق اس پلاٹ کو ایسے ادارے یا فریق کے حوالے کرنے کا حکم دیا جو وہاں اسکول تعمیر کرے، اور مقررہ مدت میں تعمیر نہ ہونے کی صورت میں متعلقہ قانونی کارروائی عمل میں لائی جائے۔
یہ فیصلہ ہاسنگ سوسائٹیوں کے رہائشیوں کے لیے ایک اہم نظیر ہے، جو اس اصول کو مضبوط کرتا ہے کہ عوامی سہولیات کے لیے مختص زمین کسی بھی سرکاری یا نجی ادارے کی تجارتی ملکیت نہیں بلکہ عوام کی امانت ہے، اور اسے صرف عوامی مفاد کے اسی مقصد کے لیے استعمال کیا جا سکتا ہے جس کے لیے وہ مختص کی گئی ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبروزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال اگلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا