جی ایچ کیو حملہ کیس کی سماعت کسی کارروائی کے بغیر 3 مارچ تک ملتوی
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
راولپنڈی (آن لائن) انسداد دہشت گردی راولپنڈی کی خصوصی عدالت نے تحریک انصاف کے سابق چیئرمین اور سابق وزیر خارجہ شاہ محمود قریشی سمیت دیگر ملزمان کے خلاف جی ایچ کیو حملہ کیس کی سماعت کسی کارروائی کے بغیر 3 مارچ تک ملتوی کردی ہے جبکہ 26 نومبر کے احتجاج پر تھانہ صادق آباد کے مقدمہ میں نامزد سابق چیئرمین کی ہمشیرہ علیمہ خانم کی حاضری استثنا کی درخواست ایک بار پھر مسترد کرتے ہوئے 12 ویں مرتبہ ناقابل ضمانت وارنٹ گرفتاری جاری کردیے ہیں اور مزید کاروائی کیلیے استغاثہ کے آخری 2 گواہان کو طلب کرتے ہوئے سماعت آج (بروز بدھ) تک ملتوی کردی ہے ،سابق چیئرمین سمیت 120 سے زائد ملزمان کے خلاف جی ایچ کیو حملہ کیس کی سماعت کے موقع پر شیریں مزاری اور اعظم سواتی سمیت دیگر سابق وزرا س اراکین اسمبلی سمیت متعدد ملزمان کے علاوہ سپیشل پراسیکوٹر ظہیر شاہ بھی عدالت میں موجود تھے، تاہم سابق چیئرمین کو ویڈیو لنک کے ذریعے عدالت میں پیش نہ کیا جاسکا جس پر عدالت نے دیگر ملزمان کی حاضری کے بعد سماعت 3 مارچ تک ملتوی کردی۔ دریں اثناء عدالت کے روبرو 26 نومبر تھانہ صادق آباد احتجاج کیس میں علیمہ خانم کے وکیل نے حاضری سے استثناکی درخواست دائر کی جس میں موقف اختیار کیا گیا کہ چونکہ آج درخواست گزار کا سابق چیئرمین سے جیل میں ملاقات کا دن ہے لہٰذا وہ پیش نہیں ہوسکتیں تاہم عدالت نے درخواست مسترد کرتے ہوئے 12 ویں مرتبہ ناقابل ضمانت وارنٹ گرفتاری جاری کردیے اور مقدمہ کی سماعت آج (بروز بدھ) تک ملتوی کرتے ہوئے استغاثہ کے دونوں آخری گواہان تفتیشی افسران کو طلب کر لیا۔
ذریعہ
ذریعہ: Jasarat News
کلیدی لفظ: سابق چیئرمین کرتے ہوئے کی سماعت تک ملتوی
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار