سنی دیول کی نئی فلم گبرو کی ریلیز تاریخ کا اعلان
اشاعت کی تاریخ: 18th, February 2026 GMT
ممبئی (نیوز ڈیسک)سنی دیول کی نئی فلم گبرو کی ریلیز کی تاریخ کا باضابطہ اعلان کر دیا گیا ہے۔ فلم بارڈر 2 کی کامیابی کے بعد سنی دیول ایک بار پھر شائقین کے سامنے نئی فلم کے ساتھ جلوہ گر ہوں گے۔
سنی دیول نے بتایا کہ وہ فلم بارڈر 2 کی کامیابی کے بعد مسلسل محنت میں مصروف ہیں اور اب اپنی اگلی فلم گبرو کی تیاری مکمل کر چکے ہیں۔ فلم گبرو کو رواں برس سینما گھروں میں نمائش کی اجازت مل چکی ہے۔
فلم کی ہدایت کاری ششانت اُدپورکر نے کی ہے جبکہ اسے وشال رانا اور اوم چھنگانی نے مشترکہ طور پر پروڈیوس کیا ہے۔
سنی دیول کے مطابق فلم گبرو ان کے دل کے بہت قریب ہے اور وہ اسے اپنی زندگی سے جڑی ہوئی فلم قرار دیتے ہیں۔ ان کا کہنا ہے کہ فلم میں جرات، خود شناسی اور مشکلات پر قابو پانے کا سفر دکھایا گیا ہے جو ان کے کردار کی مضبوط شخصیت کو اجاگر کرتا ہے۔
فلم گبرو میں حوصلہ، شناخت اور مزاحمت جیسے موضوعات کو مرکزی حیثیت دی گئی ہے۔ اس فلم میں سنی دیول ایک جذباتی اور طاقتور کردار میں نظر آئیں گے جو ان کی اداکاری کے نئے پہلو کو سامنے لائے گا۔
فلم سازوں کے مطابق فلم گبرو کی نمائش 8 مئی 2026 کو سینما گھروں میں کی جائے گی، جہاں سنی دیول ایک بھرپور اور اثر انگیز کردار کے ساتھ واپسی کریں گے۔
.
ذریعہ
ذریعہ: Daily Mumtaz
کلیدی لفظ: فلم گبرو کی سنی دیول
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے