ویوو اور PTDC کا اشتراک، پاکستان کی سیاحت کو دنیا بھر میں متعارف کروانے کا عزم
اشاعت کی تاریخ: 18th, February 2026 GMT
لاہور (پروموشنل ریلیز) معروف عالمی ٹیکنالوجی کمپنی ویوو اور پاکستان ٹورازم ڈیولپمنٹ کارپوریشن (PTDC) نے ایک اہم شراکت داری کا اعلان کیا ہے۔ اس تعاون کا مقصد ڈیجیٹل پلیٹ فارمز کے ذریعے پاکستان کی سیاحت کو دنیا بھر میں اجاگر کرنا اور عالمی سطح پر ملک کے مثبت تشخص کو مضبوط بنانا ہے۔
اس شراکت داری کا عنوان پاکستان میں سیاحت کے روشن مستقبل کا فروغ رکھا گیا ہے۔ اس کے تحت ڈیجیٹل کہانی کاری، تکنیکی مہارتوں میں اضافے اور تربیتی پروگراموں پر توجہ دی جائے گی تاکہ سیاحتی شعبے کی ترقی میں مدد مل سکے۔ ویوو کی جدید ٹیکنالوجی اور PTDC کی سیاحتی مہارت کے اشتراک سے پاکستان کی متنوع ثقافت، حسین مناظر اور تاریخی ورثے کو تخلیقی ڈیجیٹل مواد کے ذریعے دنیا کے سامنے پیش کیا جائے گا۔
اس مہم کے تحت ایسے پروگرامز شروع کیے جائیں گے جو ڈیجیٹل مواد کی تخلیق، ہنر مندی اور معلومات کے تبادلے کی حوصلہ افزائی کریں گے، تاکہ پاکستان کو ملکی اور عالمی سیاحوں کے لیے ایک جدید اور پرکشش ملک کے طور پر پیش کیا جا سکے۔
اس موقع پر ویوو کے ڈائریکٹر برانڈ اسٹریٹجی، محمد زہیر چوھان کا کہنا تھاکہ"PTDC کے ساتھ اس شراکت داری کے ذریعے ہمارا مقصدڈیجیٹل پلیٹ فارمز کا استعمال کرتے ہوئے ایسی کہانیوں کو فروغ دینا ہے تاکہ پاکستان کی خوبصورتی کو دنیا بھر میں دکھایا جا سکے۔ ہم چاہتے ہیں کہ ویوو کی ٹیکنالوجی اور تخلیقی صلاحیتوں کے ذریعے نوجوان تخلیق کار خود سیاحت کے مستقبل کو سنوارنے میں اپنا کردار ادا کریں۔"
ایم ڈی (PTDC) آفتاب الرحمان رانا نے اپنے خیالات کا اظہار کرتے ہوئے کہا:"ویوو کے ساتھ یہ اشتراک ہمیں جدید ٹیکنالوجی اور ڈیجیٹل ذرائع استعمال کرتے ہوئے پاکستان کی سیاحتی پہچان کو بہتر بنانے کا موقع فراہم کرے گا۔ اپنے باصلاحیت نوجوانوں کی تخلیقی صلاحیتوں کو بروئے کار لا کر ہم عالمی سطح پر پاکستان کے مختلف رنگ نمایاں کر سکیں گے۔"
یہ تعاون ذمہ دارانہ سیاحت کے فروغ، نوجوان تخلیق کاروں کی حوصلہ افزائی اور پاکستان کو ایک عالمی معیار کی سیاحتی منزل بنانے کے مشترکہ وژن کی عکاسی کرتا ہے۔ ویوو اور PTDC کا مقصدجدید سمارٹ فون کیمرہ ٹیکنالوجی اور عالمی پلیٹ فارمز کے ذریعے پاکستان کو بین الاقوامی سیاحتی نقشے پر نمایاں مقام دلانا ہے تاکہ دنیا بھر سے سیاحوں اور سرمایہ کاروں کو متوجہ کیا جا سکے۔
اپوزیشن اتحاد کا پارلیمنٹ ہاؤس میں دھرنا ختم کرنے کا اعلان
مزید :.
ذریعہ
ذریعہ: Daily Pakistan
کلیدی لفظ: ٹیکنالوجی اور پاکستان کی کے ذریعے کی سیاحت دنیا بھر
پڑھیں:
مسئلہ کشمیر کا منصفانہ حل جنوبی ایشیا میں امن کی بنیاد، دہشتگردی عالمی سلامتی کیلئے سنگین خطرہ: اسحاق ڈار
اسلام آباد، منیلا (خبر نگار خصوصی) نائب وزیراعظم اسحاق ڈار نے کہا ہے کہ پاکستان علاقائی امن، استحکام اور تعاون کے فروغ کے لیے آسیان ریجنل فورم کے ذریعے اپنا کردار ادا کرنے کے لیے پْرعزم ہے۔ اسحاق ڈار نے 33 ویں آسیان ریجنل فورم سے خطاب کرتے ہوئے کہا کہ عالمی اور علاقائی چیلنجز سے نمٹنے کے لیے مؤثر کثیرالجہتی تعاون ناگزیر ہے۔ جموں و کشمیر کے تنازعے کا منصفانہ حل ہی جنوبی ایشیا میں پائیدار امن کی بنیاد ہے۔ پاکستان مسئلہ کشمیر کے پرامن اور منصفانہ حل کی حمایت جاری رکھے گا، جبکہ عالمی برادری کو حل کے لیے اپنا کردار ادا کرنا چاہیے۔ اسحاق ڈار نے بھارت کی جانب سے سندھ طاس معاہدے کی معطلی کو تشویشناک اور اشتعال انگیز اقدام قرار دیتے ہوئے کہا کہ معاہدے سے متعلق یکطرفہ اقدامات 25 کروڑ پاکستانیوں کے مفادات کو متاثر کر سکتے ہیں۔ غزہ کی انسانی صورتحال پر تشویش کا اظہار کرتے ہوئے کہا کہ پاکستان فلسطینی عوام کے حق خودارادیت کی غیر متزلزل حمایت جاری رکھے گا۔ پاکستان 1967ء سے پہلے کی سرحدوں پر مشتمل آزاد فلسطینی ریاست کے قیام کا حامی ہے۔انہوں نے دہشتگردی کو عالمی امن و سلامتی کے لیے سنگین خطرہ قرار دیتے ہوئے کہا کہ پاکستان دہشتگردی کے خلاف جنگ میں 90 ہزار سے زائد جانوں کی قربانیاں دے چکا ہے اور ہر قسم کی دہشتگردی کے خلاف اپنی جدوجہد جاری رکھے گا۔ افغان سرزمین پاکستان کے خلاف دہشتگردی کے لیے استعمال نہیں ہونی چاہیے، جبکہ افغانستان میں امن سے علاقائی تجارت، روابط اور ترقی کو فروغ ملے گا۔ نائب وزیراعظم نے جنوبی بحیرہ چین کے تنازعات کے پرامن حل کی حمایت کا اعادہ کرتے ہوئے کہا کہ پاکستان ایک چین پالیسی کی مکمل حمایت جاری رکھے گا۔ انہوں نے موسمیاتی تبدیلی کو ترقی پذیر ممالک کے لیے بڑا چیلنج قرار دیتے ہوئے کہا کہ اس سے نمٹنے کے لیے عالمی تعاون کو مزید مضبوط بنانے کی ضرورت ہے۔ دوسری جانب نائب وزیراعظم اور وزیر خارجہ و سینیٹر اسحاق ڈار نے عمان ترجمان دفتر خارجہ کے مطابق فلپائن میں آسیان ریجنل فورم کی سائیڈ لائنز پر ملاقات ہوئی، دونوں رہنمائوں نے دوطرفہ تعاون کی مثبت پیش رفت پر اطمینان کا اظہار کیا۔ملاقات کے دوران اعلیٰ سطح تبادلوں، تجارت و سرمایہ کاری کے فروغ کو مزید مستحکم بنانے پر اتفاق کیا گیا۔ نائب وزیراعظم اسحاق ڈار نے فلپائن میں مختلف ملکوں کے وزرائے خارجہ سے ملاقاتیں کیں۔ وزرائے خارجہ نے امریکہ ایران کے درمیان ثالثی پر پاکستان کے کردار کو سراہا اور مشرق وسطیٰ میں کشیدگی کے خاتمے کیلئے مذاکرات پر زور دیا، اسحاق ڈار نے برطانیہ کے سیکرٹری آف سٹیٹ برائے خارجہ سے ملاقات کی دونوں رہنماؤں نے پاک برطانیہ تعلقات کو مزید مضبوط بنانے کے مشترکہ عزم کا اعادہ کیا۔ ملاقات میں خطے کی سکیورٹی صورتحال پر تبادلہ خیال کیا گیا۔ اسحاق ڈار نے نیوزی لینڈ کے وزیر خارجہ ونٹسن پیٹرز سے ملاقات کی۔ دونوں ملکوں نے تجارت، سرمایہ کاری اور کھیل کے شعبے میں تعاون پراتفاق کیا۔ ملاقات میں خطے اور عالمی صورتحال پر تبادلہ خیال کیا گیا۔ اسحاق ڈار نے آسٹریلیا کے وزیر خارجہ سے بھی ملاقات کی جس میں مختلف شعبوں میں تعاون کو مزید مضبوط بنانے کے عزم کا اعادہ کیا گیا۔ نائب وزیراعظم اسحاق ڈار آسیان ریجنل فورم میں شرکت کے بعد کرغزستان روانہ ہو گئے۔ ترجمان دفتر خارجہ کے مطابق اسحاق ڈار ایس سی او وزرائے خارجہ کونسل کے اجلاس میں شرکت کریں گے۔ اجلاس 23 اور 24 جولائی کو ہوگا، اسحاق ڈار اجلاس کے موقع پر رکن ملکوں کے وزرائے خارجہ سے دو طرفہ ملاقاتیں کریں گے۔؎
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار