رمضان میں گیس فراہمی کا نیا شیڈول جاری، صارفین کو ساڑھے 19 گھنٹے بلا تعطل سپلائی ملے گی
اشاعت کی تاریخ: 19th, February 2026 GMT
کراچی: ملک بھر میں رمضان المبارک کی آمد کے پیش نظر سوئی سدرن گیس کمپنی نے گیس فراہمی کا خصوصی شیڈول جاری کر دیا ہے جس کے تحت صارفین کو روزانہ طویل دورانیے تک گیس دستیاب رہے گی تاکہ سحر و افطار کے اوقات میں گھریلو ضروریات متاثر نہ ہوں۔
کمپنی ترجمان کے مطابق نئے شیڈول کے تحت رمضان کے دوران صارفین کو روزانہ تقریباً ساڑھے 19 گھنٹے بلا تعطل گیس فراہم کی جائے گی، گیس کی سپلائی رات 3 بجے سے شروع ہو کر اگلی رات 10 بج کر 30 منٹ تک جاری رہے گی جبکہ باقی تقریباً ساڑھے 4 گھنٹے گیس بند رکھی جائے گی۔
حُکام کا کہنا ہے کہ یہ وقفہ ایسے اوقات میں رکھا گیا ہے جب گھریلو استعمال نسبتاً کم ہوتا ہے تاکہ اہم اوقات میں زیادہ سے زیادہ سہولت دی جا سکے۔
ترجمان نے وضاحت کی کہ یہ خصوصی انتظام صرف رمضان المبارک کے لیے کیا گیا ہے اور اس کا مقصد صارفین کو کھانا پکانے اور دیگر گھریلو کاموں میں درپیش مشکلات کم کرنا ہے، کمپنی نے اپنے نظام میں تکنیکی بہتری اور دباؤ کے توازن کو برقرار رکھنے کے لیے اضافی اقدامات بھی کیے ہیں تاکہ سپلائی شیڈول پر مکمل عمل درآمد ممکن بنایا جا سکے۔
گیس حکام کے مطابق صارفین کو ہدایت کی گئی ہے کہ وہ گیس کا استعمال احتیاط اور ضرورت کے مطابق کریں تاکہ نظام پر غیر ضروری دباؤ نہ پڑے اور تمام علاقوں میں یکساں فراہمی برقرار رکھی جا سکے، رمضان میں گیس کی طلب عام دنوں کے مقابلے میں نمایاں طور پر بڑھ جاتی ہے، اسی لیے لوڈ مینجمنٹ کے خصوصی شیڈول تیار کیے جاتے ہیں۔
دوسری جانب شہری حلقوں نے امید ظاہر کی ہے کہ اعلان کردہ شیڈول پر مکمل عمل ہوگا اور ماضی کی طرح غیر اعلانیہ بندشوں کا سامنا نہیں کرنا پڑے گا۔ صارفین نے مطالبہ کیا کہ اگر کسی علاقے میں تکنیکی خرابی یا ہنگامی صورتحال کے باعث سپلائی متاثر ہو تو کمپنی بروقت اطلاع فراہم کرے تاکہ عوام متبادل انتظام کر سکیں۔
.
ذریعہ
ذریعہ: Al Qamar Online
کلیدی لفظ: پاکستان کھیل صارفین کو
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
ٹی20 ورلڈ کپ 2026: پاکستان نے سپر 8 کے لیے جگہ پکی کر لی