ڈونلڈ ٹرمپ کی بنگلہ دیشی وزیراعظم طارق رحمان کو عہدہ سنبھالنے پر مبارکباد
اشاعت کی تاریخ: 19th, February 2026 GMT
امریکی صدر ڈونلڈ ٹرمپ نے بنگلہ دیش کے وزیراعظم طارق رحمان کو عہدہ سنبھالنے پر مبارکباد دیتے ہوئے دونوں ممالک کے درمیان تجارت اور دفاعی تعاون کو مزید فروغ دینے کی خواہش کا اظہار کیا ہے۔
یہ بھی پڑھیں: صدر زرداری اور وزیراعظم شہباز شریف کی طارق رحمان اور بی این پی کو انتخابی کامیابی پر مبارکباد
بنگلہ دیش کی وزارت خارجہ نے جمعرات کو اپنے سرکاری ایکس اکاؤنٹ پر امریکی صدر کے خط کی تفصیلات جاری کیں، جس میں ڈونلڈ ٹرمپ نے امریکی عوام کی جانب سے نیک تمناؤں کا اظہار کرتے ہوئے طارق رحمان کے کامیاب دور حکومت کے لیے نیک خواہشات کا پیغام دیا۔
خط میں امریکی صدر نے کہا کہ امریکا اور بنگلہ دیش کے تعلقات باہمی احترام اور مشترکہ مفادات پر مبنی ہیں، جبکہ آزاد اور کھلے انڈو پیسیفک کے فروغ کا مشترکہ مقصد دونوں ممالک کے درمیان شراکت داری کو مزید مضبوط بناتا ہے۔
انہوں نے امید ظاہر کی کہ جاری تجارتی معاہدے مثبت انداز میں آگے بڑھیں گے اور اس سے دونوں ممالک کے کسانوں اور محنت کشوں کو فائدہ پہنچے گا۔
یہ بھی پڑھیں: بھارتی وزیرِ اعظم نریندر مودی کی بی این پی کے سربراہ طارق رحمان کو مبارکباد
ڈونلڈ ٹرمپ نے دفاعی تعاون کے حوالے سے بھی بنگلہ دیش کو باقاعدہ فوجی معاہدوں کو حتمی شکل دینے کے لیے اقدامات کرنے کی حوصلہ افزائی کی اور کہا کہ اس تعاون سے بنگلہ دیش کی مسلح افواج کو امریکا میں تیار کردہ جدید دفاعی سازوسامان تک بہتر رسائی حاصل ہو سکے گی۔
امریکی صدر نے اپنے پیغام میں کہا کہ وہ وزیراعظم طارق رحمان کے ساتھ مل کر دونوں ممالک کو مزید خوشحال اور محفوظ بنانے کے خواہاں ہیں، جبکہ انہوں نے بنگلہ دیش میں تعینات امریکی سفیر برینٹ کرسٹینسن پر بھی اعتماد کا اظہار کیا۔
یہ پیشرفت ایسے وقت میں سامنے آئی ہے جب واشنگٹن اور ڈھاکہ کے درمیان اقتصادی اور اسٹریٹجک شعبوں میں تعاون کو مزید وسعت دینے کی توقع کی جارہی ہے، جس سے دونوں ممالک کے تعلقات مزید مستحکم ہونے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بنگلہ دیش ڈونلڈ ٹرمپ طارق رحمان مبارکباد.
ذریعہ
ذریعہ: WE News
کلیدی لفظ: بنگلہ دیش ڈونلڈ ٹرمپ دونوں ممالک کے امریکی صدر ڈونلڈ ٹرمپ بنگلہ دیش کو مزید
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ