پشاور میں آئی ایس پی آر ونٹر انٹرن شپ پروگرام 2026 کامیابی سے جاری
اشاعت کی تاریخ: 20th, February 2026 GMT
پشاور(نیوز ڈیسک) آئی ایس پی آر کے زیرِ اہتمام ونٹر انٹرن شپ پروگرام 2026 پشاور میں کامیابی سے جاری ہے۔ اس سلسلے میں کور کمانڈر پشاور نے انٹرن شپ پروگرام میں شریک طلبہ کے ساتھ خصوصی نشست کی، جس میں خیبر پختونخوا کی مجموعی سیکیورٹی صورتحال اور درپیش چیلنجز پر تفصیلی گفتگو کی گئی۔
نشست کے دوران کور کمانڈر پشاور نے طلبہ کو صوبے میں امن و امان کے قیام کے لیے کیے جانے والے اقدامات اور پاک فوج کے کردار سے آگاہ کیا۔ انہوں نے کہا کہ نوجوان نسل کو ملکی سلامتی کے تقاضوں اور قومی ذمہ داریوں سے باخبر رہنا چاہیے تاکہ وہ مستقبل میں ملک کے لیے مثبت کردار ادا کر سکیں۔
طلبہ نے پاک فوج کی قربانیوں اور پیشہ ورانہ مہارت کو سراہتے ہوئے خصوصاً معرکۂ حق میں دشمن کے خلاف جرأت و استقامت پر خراجِ تحسین پیش کیا۔ طلبہ نے اس عزم کا اظہار کیا کہ وہ ڈیجیٹل محاذ پر پاکستان کے مثبت بیانیے کے محافظ بن کر قومی مفادات کے دفاع میں اپنا کردار ادا کرتے رہیں گے۔
طلبہ کا کہنا تھا کہ کور کمانڈر کی جانب سے خیبر پختونخوا کے سیکیورٹی مسائل پر تفصیل سے آگاہ کیے جانے کے بعد ان کی قومی اور علاقائی معاملات پر فہم و فراست میں نمایاں اضافہ ہوا ہے۔ ان کے مطابق نوجوانوں کو سوشل میڈیا اور ڈیجیٹل پلیٹ فارمز پر دشمن کے پروپیگنڈے اور منفی بیانیے کے خلاف مضبوطی سے کھڑا ہونا چاہیے۔
نشست کے اختتام پر طلبہ نے ونٹر انٹرن شپ پروگرام 2026 کے کامیاب انعقاد پر پاک فوج کا شکریہ ادا کیا اور امید ظاہر کی کہ ایسے پروگرام نوجوانوں میں قومی شعور اور ذمہ داری کے احساس کو مزید مضبوط کریں گے۔
.
ذریعہ
ذریعہ: Daily Mumtaz
کلیدی لفظ: انٹرن شپ پروگرام
پڑھیں:
وزیراعظم کا لیفٹیننٹ جنرل عامر رضا کو فور سٹار جنرل کے عہدے پر ترقی دینے، کمانڈر نیشنل سٹرٹیجک کمانڈ مقرر کرنے کا اعلان
اسلام آباد (اُردو پوائنٹ اخبارتازہ ترین - اے پی پی۔ 24 جولائی2026ء) وزیراعظم محمد شہباز شریف نے پاکستان آرمی کے چیف آف جنرل سٹاف لیفٹیننٹ جنرل عامر رضا، ہلالِ امتیاز (ملٹری)، ستارۂ بسالت کو فور سٹار جنرل کے عہدے پر ترقی دینے اور انہیں کمانڈر نیشنل سٹرٹیجک کمانڈ مقرر کرنے کا اعلان کیا ہے۔(جاری ہے)
جمعہ کو وزیر اعظم آفس کے میڈیا ونگ کی طرف سے جاری بیان کے مطابق وزیراعظم نے جنرل عامر رضا، ہلالِ امتیاز (ملٹری)، ستارۂ بسالت کو ترقی اور تعیناتی پر مبارکباد دی اور اس اہم ذمہ داری کی انجام دہی میں ان کےلئے نیک خواہشات کا اظہار کیا۔\932
ٹی20 ورلڈ کپ 2026: پاکستان نے سپر 8 کے لیے جگہ پکی کر لی