عمران خان کی جانب سے ڈیل مسترد کرنے کے بیان پر سیاسی ہلچل، رانا ثنا کی وضاحت
اشاعت کی تاریخ: 20th, February 2026 GMT
اسلام آباد:
بانی پی ٹی آئی عمران خان کی جانب سے ڈیل مسترد کیے جانے کے بیان پر سیاسی ہلچل کے بعد رانا ثنا اللہ نے وضاحت کردی۔
وزیراعظم کے مشیر برائے سیاسی امور رانا ثنا اللہ نے بانی پی ٹی آئی عمران خان کی جانب سے مبینہ طور پر ڈیل مسترد کرنے سے متعلق اپنے بیان کی وضاحت کرتے ہوئے کہا ہے کہ ان کا مؤقف مخصوص تناظر میں تھا۔
نجی ٹی وی پروگرام میں گفتگو کے دوران انہوں نے واضح کیا کہ ان کی بات کا تعلق 24 نومبر کے احتجاج سے تھا، نہ کہ کسی اور خفیہ مفاہمت یا سیاسی سمجھوتے سے۔
انہوں نے بتایا کہ اس وقت بانی پی ٹی آئی احتجاج کے معاملے پر اپنے مؤقف سے پیچھے ہٹنے کے لیے آمادہ نہیں تھے ۔ وہ کسی لچک کا مظاہرہ کرنے کو تیار دکھائی نہیں دیتے تھے۔ رانا ثنا اللہ نے کہا کہ ان کے بیان کو سیاق و سباق سے ہٹ کر پیش کیا گیا، حالانکہ مقصد صرف اس وقت کی سیاسی صورتحال کی وضاحت کرنا تھا۔
رانا ثنا اللہ نے پاکستان تحریک انصاف کی جانب سے راجا ناصر عباس اور محمود خان اچکزئی کو اختیارات سونپنے کے تاثر کو بھی مسترد کرتے ہوئے کہا کہ ان دونوں رہنماؤں کو کسی قسم کا بااختیار کردار نہیں دیا گیا تھا۔ انہوں نے کہا کہ محمود اچکزئی کو وزیراعظم سے ملاقات کی تجویز دی گئی تھی، تاہم یہ ملاقات نہیں ہو سکی۔
انہوں نے مزید کہا کہ حکومت پہلے ہی استحکام پاکستان کے لیے میثاق کی پیشکش کر چکی ہے اور سیاسی درجہ حرارت کم کرنے کے لیے بات چیت کا راستہ اختیار کرنے پر آمادہ ہے۔
واضح رہے کہ وفاقی وزیر اطلاعات عطا اللہ تارڑ بھی بانی پی ٹی آئی کے ساتھ کسی ڈیل سے متعلق گردش کرنے والی خبروں کی سختی سے تردید کر چکے ہیں، جس کے بعد حکومتی مؤقف مزید واضح ہو گیا ہے۔
.
ذریعہ
ذریعہ: Express News
کلیدی لفظ: رانا ثنا اللہ نے بانی پی ٹی آئی کی جانب سے انہوں نے کہا کہ
پڑھیں:
پٹرولیم مصنوعات کی قیمتوں میں مسلسل چوتھے روز اضافہ
پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا اور ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے۔ اسلام ٹائمز۔ حکومت کی جانب سے پٹرولیم مصنوعات کی نئی قیمتوں کا اعلان کردیا گیا۔ پٹرولیم ڈویژن کی جانب سے جاری نوٹیفکیشن کے مطابق پٹرول کی قیمت میں 4 روپے 40 پیسے فی لٹر اضافہ کیا گیا، جس کے بعد پٹرول کی نئی قیمت 331 روپے 52 پیسے فی لٹر مقرر کر دی گئی ہے۔ ہائی سپیڈ ڈیزل کی قیمت میں 3 روپے 62 پیسے فی لٹر اضافہ کیا گیا ہے، جس کے بعد ڈیزل کی نئی قیمت 378 روپے 66 پیسے فی لٹر ہو گئی ہے۔
پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین اوگرا کی جانب سے کیا گیا ہے جو آج رات 12 بجے سے کل رات 12 بجے تک نافذ العمل ہوگا۔ واضح رہے کہ گزشتہ روز حکومت کی جانب سے پٹرول کی قیمت میں 6 روپے 39 پیسے فی لٹر جبکہ ہائی سپیڈ ڈیزل کی قیمت میں 7 روپے 83 پیسے کا بڑا اضافہ کیا گیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار