سندھ حکومت کی ڈرائیونگ لائسنس بنوانے کیلئے نئی شرط عائد
اشاعت کی تاریخ: 20th, February 2026 GMT
صوبے میں ڈرائیونگ لائسنس حاصل کرنیوالے تمام افراد کیلئے پری لائسنس ڈرائیونگ ٹریننگ لازمی قرار
سندھ بھر میں ایچ ٹی وی اور ایل ٹی وی ڈرائیور ٹریننگ اسکولز قائم کیے جائیں گے،وزیراعلیٰ کا اجلاس میں فیصلہ
سندھ حکومت کی جانب سے شہریوں کے ڈرائیونگ لائسنس بنوانے کے لیے نئی شرط عائد کردی گئی۔ میڈیا رپورٹس کے مطابق سندھ حکومت نے صوبے میں ڈرائیونگ لائسنس حاصل کرنے والے تمام افراد کے لیے پری لائسنس ڈرائیونگ ٹریننگ لازمی قرار دی ہے، یہ فیصلہ وزیراعلیٰ مراد علی شاہ کی زیر صدارت ہونے والے پبلک پرائیویٹ پارٹنرشپ پالیسی بورڈ کے 50 ویں اجلاس میں کیا گیا۔اجلاس میں فیصلہ کیا گیا کہ سندھ بھر میں ایچ ٹی وی اور ایل ٹی وی ڈرائیور ٹریننگ اسکولز قائم کیے جائیں گے اور بغیر تربیت کے کسی بھی امیدوار کو لائسنس جاری نہیں کیا جائے گا، حکومت کا ہدف ہے کہ آئندہ پانچ سال میں ایک لاکھ ڈرائیورز کو تربیت اور لائسنس فراہم کیے جائیں۔بتایا گیا ہے کہ اجلاس میں ماحولیاتی سیاحت اور جنگلات کے تحفظ کے منصوبوں کی بھی منظوری دی گئی، وزیراعلیٰ مراد علی شاہ نے ماربل سٹی کراچی منصوبے پر کام تیز کرنے کی ہدایت کی اور کہا کہ اس میں کسی بھی قسم کی تاخیر برداشت نہیں کی جائے گی، نوجوانوں کو عالمی معیار کی تربیت فراہم کی جائے گی تاکہ انہیں بیرون ملک روزگار کے مواقع حاصل ہوں۔علاوہ ازیں وزیراعلیٰ سندھ سید مرادعلی شاہ کی زیر صدارت ڈپارٹمنٹ آف امپاورمینٹ آف پرسنس وتھ ڈس ایبلٹیز (DEPD) کا اجلاس بھی ہوا جہاں خصوصی افراد کیلئے اے آئی بیسڈ جاب پورٹل کی منظوری دی گئی، آئی بی اے سکھر خصوصی افراد کے لیے جدید جاب پورٹل تیار کرے گا، وزیراعلیٰ نے کہا کہ خصوصی افراد کو خیرات نہیں بلکہ باعزت روزگار کے مساوی مواقع فراہم کرنا چاہتے ہیں، یہ ڈیجیٹل انقلابی اقدام خصوصی افراد کو قومی دھارے میں شامل کرنے کی جانب ایک بڑا قدم ہے، خصوصی افراد کا جاب پورٹل سندھی، اردو اور انگریزی زبانوں میں بنایا جائے، شکایات کیفوری ازالے کے بغیر کوئی نظام مکمل نہیں ہوتا، خصوصی افراد کے مسائل ترجیحی بنیادوں پر حل کریں گے۔بتایا جارہا ہے کہ وزیراعلیٰ سندھ کی طرف سے خصوصی افراد کے لیے خصوصی ایمپلائمنٹ ایکسچینج جاب پورٹل کی منظوری بھی دی گئی، ان کا کہنا ہے کہ تمام لوگوں خاص طور پر خصوصی افراد کو بااختیار بنانا پیپلز پارٹی حکومت کی اولین ترجیح ہے، اے آئی پر مبنی جاب میچنگ سسٹم شفاف اور میرٹ پر بھرتیوں کو یقینی بنائیگا، ٹیکنالوجی کے ذریعے شفافیت اور میرٹ کو یقینی بنانا ہماری ذمہ داری ہے، جاب پورٹل مئی 2026ء جبکہ شکایات کا نظام جولائی 2026ء میں فعال ہوگا، قمبر کا بحالی مرکز بچوں کی جسمانی اور اعصابی نشوونما کے علاج کے لیے وقف ہے، ہم خصوصی بچوں کی بحالی اور تعلیم پر خصوصی توجہ دے رہے ہیں، خصوصی بچوں کو بااعتماد اور خودمختار زندگی گزارنے کا پورا حق حاصل ہے۔
.
ذریعہ
ذریعہ: Juraat
کلیدی لفظ: ڈرائیونگ لائسنس خصوصی افراد اجلاس میں جاب پورٹل افراد کے کے لیے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا