مارکو روبیو کی شہباز شریف اور اسحاق ڈار سے ملاقات ، تصویر جاری
اشاعت کی تاریخ: 20th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
واشنگٹن: امریکا کے وزیر خارجہ مارکو روبیو نے واشنگٹن ڈی سی میں وزیر اعظم شہباز شریف اور نائب وزیر اعظم و وزیر خارجہ اسحاق ڈار سے اہم ملاقات کی جس میں دوطرفہ تعلقات، علاقائی صورتحال اور عالمی امن کے امور پر تبادلہ خیال کیا گیا۔
ملاقات کے بعد امریکی وزیر خارجہ نے سوشل میڈیا پر مشترکہ تصویر شیئر کرتے ہوئے پاکستان کے کردار کو سراہا۔
مارکو روبیو نے اپنے بیان میں کہا کہ امریکی صدر کی جانب سے پیش کیے گئے غزہ امن منصوبے میں پاکستان کی معاونت اور بورڈ آف پیس میں شمولیت قابلِ تحسین ہے۔ انہوں نے بتایا کہ ملاقات میں اسٹریٹیجک شراکت داری، کم یاب معدنیات میں تعاون، ترقیاتی منصوبوں اور انسداد دہشت گردی کے شعبوں پر تفصیلی گفتگو ہوئی۔
دریں اثنا غزہ امن بورڈ کے پہلے اجلاس سے خطاب کرتے ہوئے وزیر اعظم شہباز شریف نے کہا کہ تنازعات کے حل میں امریکی قیادت کا کردار اہم رہا ہے۔ انہوں نے امریکی صدر ڈونلڈ ٹرمپ کی بروقت سفارتی کوششوں کو سراہتے ہوئے کہا کہ جنوبی ایشیا میں کشیدگی کم کرنے میں ان کی مداخلت مؤثر ثابت ہوئی۔
وزیر اعظم کا کہنا تھا کہ علاقائی امن کے لیے سفارت کاری اور مکالمہ ہی واحد راستہ ہے۔
انہوں نے اس بات پر زور دیا کہ غزہ میں پائیدار امن کا قیام عالمی برادری کی مشترکہ ذمہ داری ہے اور ایک آزاد فلسطینی ریاست کا قیام دیرپا امن کے لیے ناگزیر ہے۔
شہباز شریف نے کہا کہ اگر غزہ میں امن قائم ہوتا ہے تو یہ عالمی قیادت کے لیے ایک تاریخی کامیابی ہوگی۔ مبصرین کے مطابق اس ملاقات نے پاکستان اور امریکا کے درمیان جاری سفارتی رابطوں کو نئی جہت دی ہے اور آئندہ مہینوں میں مزید پیش رفت متوقع ہے۔
.
ذریعہ
ذریعہ: Jasarat News
کلیدی لفظ: شہباز شریف کہا کہ
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی