بقایاجات کی عدم ادائیگی پربھارتی ایئر لائن کیلئے بنگلہ دیشی فضائی حدود بند
اشاعت کی تاریخ: 21st, February 2026 GMT
ڈھاکہ/نئی دہلی (نیوز ڈیسک) بقایا جات کی عدم ادائیگی پر بنگلہ دیش نے بھارتی نجی ایئر لائن اسپائس جیٹ کیلئے اپنی فضائی حدود بند کر دی ہیں، جس کے بعد بھارتی ایوی ایشن انڈسٹری کو ایک اور بڑے بحران کا سامنا کرنا پڑ گیا ہے۔
بنگلہ دیشی جریدے ڈیلی سن اور بھارتی اخبار دی اکنامک ٹائمز کے مطابق، اسپائس جیٹ کی جانب سے واجب الادا رقوم کی عدم ادائیگی کے باعث بنگلہ دیشی حکام نے ایئرلائن کو اپنی فضائی حدود استعمال کرنے سے روک دیا ہے۔ اس فیصلے کے بعد کولکتہ سے شمال مشرقی بھارتی شہروں گوہاٹی اور ایمفال کیلئے چلنے والی پروازیں طویل اور متبادل راستے اختیار کرنے پر مجبور ہو گئی ہیں۔
رپورٹس کے مطابق متبادل فضائی راستوں کے استعمال سے پرواز کا دورانیہ اور ایندھن کا خرچ نمایاں طور پر بڑھ گیا ہے، جس کے باعث ایئرلائن کے آپریشنل اخراجات میں مزید اضافہ متوقع ہے۔ بنگلہ دیشی میڈیا کا کہنا ہے کہ یہ فیصلہ مالی واجبات کی مسلسل عدم ادائیگی کے پس منظر میں کیا گیا ہے۔
بھارتی جریدے کے مطابق اسپائس جیٹ گزشتہ چند مہینوں سے شدید مالی مشکلات کا شکار ہے اور کمپنی کے شیئرز میں بھی معمولی کمی ریکارڈ کی گئی ہے۔ دسمبر 2025 کو ختم ہونے والی سہ ماہی مالی رپورٹ میں ایئرلائن نے 269.
ماہرین کے مطابق بنگلہ دیش اور بھارت کے درمیان تعلقات اب محض سفارتی اختلافات تک محدود نہیں رہے بلکہ تنازعات کی شکل اختیار کرتے جا رہے ہیں۔ ان کا کہنا ہے کہ بنگلہ دیش اپنی خودمختار خارجہ پالیسی کے تحت اب بھارت کو مختلف محاذوں پر چیلنج کر رہا ہے۔
ماہرین مزید کہتے ہیں کہ فضائی حدود پر پابندی کا یہ اقدام بھارت کے خلاف بنگلہ دیش کے خودمختار موقف کی واضح عکاسی کرتا ہے، جبکہ بھارتی ایوی ایشن انڈسٹری پہلے ہی مالی اور انتظامی بحرانوں کی لپیٹ میں ہے، جس سے اس شعبے کے مستقبل پر سنگین سوالات کھڑے ہو گئے ہیں۔
ذریعہ
ذریعہ: Daily Mumtaz
کلیدی لفظ: عدم ادائیگی بنگلہ دیشی بنگلہ دیش کے مطابق
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی