اسلام آباد میں نائجیرین منشیات نیٹ ورک بے نقاب، سرغنہ سمیت 3 ملزمان گرفتار
اشاعت کی تاریخ: 21st, February 2026 GMT
اینٹی نارکوٹکس فورس یعنی اے این ایف نے خفیہ اطلاعات کی بنیاد پر بڑی کارروائی کرتے ہوئے ایک غیر ملکی منشیات فروش نیٹ ورک کے سرغنہ سمیت 3 افراد کو گرفتار کرلیا۔
ترجمان اے این ایف کے مطابق کارروائی کے دوران نائجیرین گروہ کو بے نقاب کیا گیا جو اسلام آباد اور راولپنڈی میں طلبا کو کوکین اور آئس فراہم کر رہا تھا۔
یہ بھی پڑھیں: اینٹی نارکوٹکس فورس کی کارروائیاں، 400 کلو منشیات برآمد، 5 گرفتار
گرفتار ملزمان کے قبضے سے 860 گرام کوکین کیپسولز، کوکین کے پیکٹس اور میتھ ایمفیٹامائن برآمد کی گئی۔
اے این ایف حکام کے مطابق منشیات کی ترسیل کے لیے استعمال ہونے والی گاڑی بھی قبضے میں لے لی گئی ہے جبکہ مزید تفتیش جاری ہے تاکہ نیٹ ورک کے دیگر سہولت کاروں اور رابطوں تک رسائی حاصل کی جا سکے۔
مزید پڑھیں: اینٹی نارکوٹکس فورس کی کوئٹہ میں کارروائی، سوا 2 ٹن سے زائد منشیات برآمد
حکام کا کہنا ہے کہ تعلیمی اداروں کے طلبہ کو منشیات کی فراہمی ایک سنگین مسئلہ بن چکا ہے اور ایسے گروہوں کے خلاف زیرو ٹالرنس پالیسی کے تحت کارروائیاں جاری رکھی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئس اسلام اباد اینٹی نارکوٹکس فورس راولپنڈی زیرو ٹالرنس پالیسی کوکین نائجیرین نیٹ ورک.
ذریعہ
ذریعہ: WE News
کلیدی لفظ: اسلام اباد اینٹی نارکوٹکس فورس راولپنڈی زیرو ٹالرنس پالیسی کوکین نیٹ ورک اینٹی نارکوٹکس فورس نیٹ ورک
پڑھیں:
رحیم یارخان: لاپتا نوجوان کی لاش گرفتار ایس ایچ او کی نشاندہی پر برآمد
رحیم یارخان میں لاپتا نوجوان کی لاش گرفتار ایس ایچ او کی نشاندہی پر برآمد کر لی گئی، ایس ایچ او کوٹ سمابہ تھانا نے بچی کے مبینہ قتل کیس میں 19 جولائی کو نوجوان کو طلب کیا تھا جس کے بعد نوجوان لاپتا ہو گيا تھا۔
ڈی پی او عرفان سموں کے مطابق مقتول نوجوان کے بھائی کی مدعیت میں ایس ایچ او سمیت 5 پولیس اہل کاروں کے خلاف مقدمہ درج کیا گیا تھا۔
مدعی کا کہنا تھا کہ ایس ایچ او کوٹ سمابہ تھانا نے بچی کے مبینہ قتل کیس میں 4 روز قبل بھائی کو طلب کیا اور تشدد کرکے قتل کردیا۔
پولیس نے تفتیش کے بعد گرفتار ملزم ایس ایچ او کی نشان دہی پر مقتول نوجوان کی لاش تھانہ صدر صادق آباد علاقہ رانجھی خان میں گنے کی فصل سے برآمد کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا